Xətai Rayon Məhkəməsində qəsdən sağlamlığa az ağır zərərvurmada təqsirləndirilən Hafiz Nəbiyevin (adı və soyadı şərtidir) cinayət işi üzrə məhkəmə istintaqı yekunlaşıb.
Median.Az Pravda.az-a istinadla xəbər verir ki, hakim Sülhanə Hacıyevanın sədrliyi ilə keçirilən prosesdə hökm oxunub.
Məhkəmənin hökmü ilə cinayət işi üzrə icraata xitam verilib və o, cinayət məsuliyyətindən azad edilib.
İttihama görə, hadisə bu ilin əvvəlində paytaxtın Xətai rayonu ərazisində yerləşən restoranlarından birində qeydə alınıb.
Belə ki, Hafiz Nəbiyevlə restoranda qabyuyan işləyən, qeyri-rəsmi münasibətdə olduğu zərərçəkmiş Səbinə Əsədova (adı və soyadı şərtidir) arasında münasibətlər zəminində mübahisə baş verib. Bu zaman o, qadının baş nahiyəsinə əli ilə vurub onu döyərək, sağlamlığa yüngül zərərvurmaya aid bədən xəsarətləri yetirib.
Hadisədən sonra Hafiz Nəbiyev saxlanılaraq cinayət məsuliyyətinə cəlb edilib.
Məhkəmə iclasında zərərçəkmiş şəxs hazırda təqsirləndirilən şəxslə barışdığını, ona qarşı şikayət və tələbinin olmadığını bildirib.
Şahidi olduğunuz hadisələri çəkib bizə göndərin!
Son Əlavə