Papanın vəfatından sonra İspaniyada üç günlük matəm elan edildi

İspaniya hökuməti katolik dünyasının ruhani lideri Papa Fransiskin vəfatından sonra üç günlük rəsmi matəm elan edib.

Bu barədə İspaniya baş nazirin müavini Feliks Bolanos mətbuata açıqlamasında deyib.

Bolanos ölkə boyu üç günlük rəsmi matəm elan etdiklərini bildirib.

İspaniya və Aİ bayraqlarının yarıya endiriləcəyini və qara lentlər taxılacağını açıqlayan Bolanos, 88 yaşında vəfat edən Papa Fransiskin humanist, həmrək və islahatçı olduğunu, ədalətsizlik və bərabərsizliyə qarşı mübarizəsi ilə tanınacağını qeyd edib.

İspaniyanın Baş naziri Pedro Sançes de X öz Twitter hesabında paylaşıb:

"Papa Fransiskin vəfatından kədərləndim. Onun sülhə, sosial ədalətə və insanlara sadiqliyi ilə dərin miras qoydu".

Hökumətdəki bütün nazirlər, parlamentdəki siyasi partiya liderləri və muxtar hökumət başçıları da Papanın vəfatı ilə bağlı başsağlığı mesajları göndəriblər.
//azxeber.comскачать dle 11.3

Şahidi olduğunuz hadisələri çəkib bizə göndərin!