“Onsuz da kvadratım azdır, balkonu da çıxsalar, küçədə qalıram...” - VİDEO

Xəbər verdiyimiz kimi, Bakının daha iki rayonu üzrə istismar müddəti başa çatmış qəzalı binaların söküntü işlərinə başlanılır.

Median.Az “ATV”yə istinadən xəbər verir ki, artıq Sabunçu və Suraxanıda prosesə start verilib.

Sakinlərin bir qismi verilən kompensasiya ilə razılaşsa da, təklif edilən qiymətin az olduğunu deyənlər də var.

Onlardan biri kompensasiya olaraq 1300 manat təklif olunduğunu bildirib:

“Mən ortalıqda qalmışam. Hara şikayət edim? Dərdimi kimə deyim? İcra hakimiyyətinə getmişəm, onlar bu işə baxmırlar. Deyirlər ki, bizlik deyil, bu işə Şəhərsalma və Arxitektura Komitəsi baxır. 1300 manat azdır”.

Digər sakin isə qeyd edib ki, evinin kvadratı az ölçülüb:

“Bundan da əlavə, balkonumu çıxırlar. Mənim onsuz da kvadratım azdır, onu da çıxsanız, belə çıxır ki, mən çöldə qalıram. 40-45 minə sənədsiz evlərdir. 1300 manat təklif edirlər, amma hamısı şifahidir. Bir kağız üzərində bizə heç nə göstərməyiblər”.

Ətraflı videomaterialda:скачать dle 11.3

Şahidi olduğunuz hadisələri çəkib bizə göndərin!