Səudiyyə Ərəbistanından Azərbaycan-Ermənistan sülh sazişi ilə bağlı paylaşım

Səudiyyə Ərəbistanının Xarici İşlər Nazirliyi Azərbaycan və Ermənistan arasında sülh sazişinin mətni üzrə danışıqların başa çatmasını alqışlayır.

Nazirlik bu barədə rəsmi "X" hesabında paylaşım edib.

"Xarici İşlər Nazirliyi Səudiyyə Ərəbistanının Azərbaycan Respublikası ilə Ermənistan Respublikası arasında danışıqların başa çatmasını və sülhə dair razılığın əldə olunmasını alqışladığını bildirir. Krallıq ümid edir ki, bu saziş sabitlik və rifahın yeni mərhələsinə gətirib çıxaracaq", - deyə paylaşımda bildirilib.