Qırğızıstan Prezidenti Sadır Japarov amerikalı milyarder İlon Maskın ABŞ hökuməti tərəfindən maliyyələşdirilən “Amerikanın Səsi” və “Azadlıq” Radiosu"nun media layihələrini bağlamaq çağırışını dəstəkləyib.
Dövlət başçısı bunu yerli "Kabar" agentliyinə müsahibəsində deyib.
"Donald Tramp və İlon Mask - onların hər ikisi milyarderdir. Onlar yaxşı başa düşürlər ki, pullar göydən düşmür. Onlar amerikalıların pullarının mənasız xərclənməsini dayandırmaq istəyirlər", - qırğız lideri bildirib.
Siyasətçinin sözlərinə görə, bu gün istənilən məlumat beş dəqiqə ərzində dünyaya yayılır və insanlara “Azadlıq Radiosu"nun xəbərləri lazım deyil.
Şahidi olduğunuz hadisələri çəkib bizə göndərin!
Son Əlavə