Beynəlxalq Şahmat Federasiyası (FIDE) mərhum qrosmeyster Vüqar Həşimovun atası Qasım Həşimovun vəfatı ilə bağlı başsağlığı verib.
Bu barədə FIDE-nin Mətbuat Xidməti məlumat yayıb.
"Mərhum şahmatçı Vüqar Həşimovun atası, Azərbaycanın əməkdar şahmat məşqçisi Qasım Həşimov faciəli şəkildə dünyasını dəyişib. O, həmçinin Vüqar Həşimov Memorialının Təşkilat Komitəsinin rəhbəri vəzifəsində çalışıb. Onun ailəsinə və yaxınlarına dərin hüznlə başsağlığı veririk", - deyə paylaşımda bildirilib.
Qeyd edək ki, Qasım Həşimov Abşeron rayonu, Novxanı kəndindəki fərdi yaşayış evində partlayış baş verməsi nəticəsində xəsarət almışdı. O, yanvarın 8-də müalicə aldığı xəstəxanada vəfat edib.
Şahidi olduğunuz hadisələri çəkib bizə göndərin!
Son Əlavə