Dövlət xəstəxanalarında BİABIRÇILIQ - Ağır xəstə reanimasiyada yer olmadığı üçün evə qaytarıldı » Median.Az - Bütün xəbərlər bir ünvanda
15:09 Qroznı hava limanında uçuşlar ləğv edildi  |     14:59 Şabranda 17 yaşlı qız itkin düşdü  |     14:37 Şamaxıda 15 yaşlı qız nişanlandı - Polis atanı məsuliyyətə cəlb etdi  |     14:25 Çimərliklərdə gözlənilən hava şəraiti və suyun temperaturu AÇIQLANDI  |     14:14 Prezidentin general rütbəsi verdiyi Babək Qurbanov KİMDİR?  |     14:07 Bakıda avtomobilin şüşəsini qəsdən sındıran şəxs saxlanılıb  |     13:58 Bakıda metrodan istifadə edənlərin sayı 2%-ə yaxın azalıb  |     13:50 Sabah arabir yağış yağacaq - PROQNOZ  |     13:43 Lökbatanda yaşayış binasında partlayış olub, xəsarət alan var  |     13:35 Lionel Messi zədəsini sağaldıb  |     13:28 Zelenski avqustun 18-də Vaşinqtona səfər edəcək  |     13:20 Azərbaycan XİN Pakistana başsağlığı verib  |     13:11 Xəzər dənizində zəlzələ olub  |     13:02 DYP hərəkət iştirakçılarına müraciət edib  |     23:04 Nazirlik banklara 400 milyon depozit qoydu  |     22:57 Bu il daşınmaz əmlak bazarında ən çox bahalaşma hansı layihədə baş verib?  |     22:51 Ürək səssizcə xəbərdarlıq edə bilər - Təhlükə siqnalı göstərən 9 mühüm əlamət  |     22:44 Bu ərazidə köhnə tikililər söküləcək, müasir yaşayış kompleksləri tikiləcək  |     22:38 Yeni Dehlidə Hümayun türbəsi uçub, ölənlər var  |     22:31 Əhali restoranlara 757,7 milyon manat xərcləyib  |    

Dövlət xəstəxanalarında BİABIRÇILIQ - Ağır xəstə reanimasiyada yer olmadığı üçün evə qaytarıldı

Bakıda fəaliyyət göstərən dövlət xəstəxanalarında ağır xəstələrin yerləşdirilməsi müşkülə çevrilib. Belə ki, oktyabrın 22-də ağır vəziyyətdə əvvəl 1 Saylı Kliniki Tibbi Mərkəzə, daha sonra bir neçə dövlət xəstəxanasına müraciət edən vətəndaşa reanimasiyada yer olmadığı bildirilib.

Ağır vəziyyətdə olan xəstə ortalıqda qalıb və evə qaytarılıb.

Bu barədə redaksiyaya xəstənin yaxınları məlumat veriblər.

Bənzər şikayət dəfələrlə sosial şəbəkələrdə də yer alıb.

Bəs dövlət xəstəxanalarında ağır vəziyyətdə olan xəstələrin yerləşdirilməsi üçün reanimasiya otaqları niyə azdır? Ümumiyyətlə, reanimasiyada çarpayı sayı nəyə əsasən hesablanır?

Məsələ ilə bağlı Bizim.media-nın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) bildirilib ki, yer çatışmazlığı müraciətlərin çox olması ilə əlaqədardır:

"TƏBİB-in tabeliyində olan tibb müəssisələrində səhiyyə strukturunun təkmilləşdirilməsi, həmçinin tibb kadrlarından daha səmərəli istifadə edilməsi, tibb müəssisələrinin infrastrukturundan səmərəli istifadə edilməsi məqsədilə bir sıra tibb müəssisələrində çarpayı fondunun idarə olunması üzrə nəzarət modulu yaradılıb. TƏBİB-in aidiyyəti struktur bölmələri və tibb müəssisələrinin rəhbərləri həmin modula giriş imkanına malikdirlər.

Xəstəxanalarda çarpayı sayı (stasionar, intensiv terapiya) tibb müəssisəsinin mövcud infrastrukturu, kadr potensialı, ixtisaslaşması normativ hüquqi aktlara əsasən tənzimlənir. Pasiyentlərin sağlamlıq durumları tibb personalı tərəfindən dəyərləndirdikdən sonra zərurət üzrə onların müvafiq şöbələrə yerləşdirilməsi təmin olunur.

Son zamanlar tibb müəssisələrinə artan müraciət sayının nəticəsidir ki, xəstəxanalarda doluluq faizi yüksəkdir. 2024-cü ilin yanvar-sentyabr ayları üzrə ümumilikdə 17 979 237 müraciət qeydə alınıb. Bunlardan 446 065-i stasionar, 17 533 172-si ambulator olub. Tibb müəssisələrinə olan müraciətlərin ümumi sayı 2022-ci ilin yanvar-sentyabr ayları üzrə 24%, 2023-cü ilin eyni dövrü ilə müqayisədə 13% çox olub.

Kliniki Tibbi Mərkəzin Reanimasiya şöbəsinə gəlincə, bildiririk ki, yuxarıda qeyd edilən səbəblərdən çarpayı sayı hər gün dəyişir. Bəzən boş çarpayı olmadığı üçün müraciət etmiş vətəndaş TƏBİB tabeli başqa tibb müəssisələrinə yönləndirilir. 22.10.2024-cü il tarixində də həm cərrahi, həm terapevtik reanimasiya şöbələrində boş çarpayı olmayıb".

Qurumdan qeyd edilib ki, artım dinamikasını nəzərə alaraq yeni intensiv terapiya şöbələrinin yaradılması nəzərdən keçirilir.скачать dle 11.3




Şahidi olduğunuz hadisələri çəkib bizə göndərin!




            546 24.10.24 17:29