Şeyx Şamilin büstünü partladan, hərbi hissəyə hücum edən qardaşlar barədə qərar açıqlanıb » Median.Az - Bütün xəbərlər bir ünvanda
17:23 Sumqayıtda FACİƏ - Gənc oğlanın qonaq getdiyi evdə meyiti tapıldı  |     17:11 "Hraparak": "Azərbaycan Ermənistandan işğal etdiyi daha dörd kəndini tələb edir"  |     17:09 Baş nazirdən dövlət agentliyində maaşlarla bağlı QƏRAR  |     16:51 İki il öncə tələbənin ölümünə səbəb olan şəxs həbs olundu  |     16:46 Azərbaycan Ordusunun hərbçiləri dumanlı hava şəraitində qar uçqununa düşüblər  |     14:27 Azərbaycan Ordusunun mövqeləri atəşə tutulub  |     13:44 Ekrem İmamoğlu saxlanıldı  |     13:18 Bakı metrosunda terrordan 31 il keçir  |     13:05 İmmunitetimizi necə gücləndirək? Həkim orqanizmin üç müdafiə xəttindən danışdı  |     12:49 Alimlər tarixdə ilk daş alətlərin mənşəyini açıqladılar: İnsanlar tərəfindən YARADILMAYIB  |     12:33 Avtomobildə yemək bişirən iranlı bloqer məhkəməyə çağırılıb  |     12:19 Yaz depressiyasına daha çox kimlər məruz qalır? - Psixoloqdan AÇIQLAMA  |     11:55 ABŞ-də 380 milyon il yaşı olan qalıqlar zibilliyə atıldı  |     11:48 Xolesterin səviyyəsini normallaşdırmağa kömək edəcək qəlyanaltı: Alimlərdən AÇIQLAMA  |     11:46 Maskın departamenti ABŞ Sosial Təminat Xidmətinin bazasında üç milyondan çox "ölü" aşkar edib  |     11:36 Oğlan yetkinlik yaşına çatmayan sevgilisini kimsəsiz evə apardı - Kürdəmirdə dəhşətli hadisə  |     11:35 Roma Papası Fransisk: "Sözləri, düşüncələri və Yer kürəsini silahsızlaşdırmalıyıq"  |     11:33 Xəzər rayonunun bir hissəsində qaz olmayacaq  |     11:28 Vəzifəli şəxs rüşvətə görə vəhşicəsinə döyülüb? - DİN-dən açıqlama (YENİLƏNİB)  |     11:19 Şəkidə AĞIR QƏZA - Ölənlər var  |    

Şeyx Şamilin büstünü partladan, hərbi hissəyə hücum edən qardaşlar barədə qərar açıqlanıb

Zaqatalada 23 il əvvəl terrorçuluq, qətl, milli zəmində münaqişə yaratmaqda və digər ağır cinayətlər törətməkdə təqsirli bilinərək ömürlük azadlıqdan məhrum edilən İlham və Emin Baqqayev qardaşlarının şikayətləri üzrə məhkəmə prosesi keçirilib.

"Report" xəbər verir ki, Bakı Apellyasiya Məhkəməsində keçirilən proseslərdə qardaşların şikayəti təmin edilməyib və birinci instansiya məhkəməsinin qərarı dəyişdirilmədən saxlanılıb.

Xatırladaq ki, qardaşlar bir müddət əvvəl Qaradağ rayon Məhkəməsinə ərizə ilə müraciət edərək 20 ildən artıqdır cəza çəkdiklərini, barələrindəki hökmlərin müddətli cəzaya dəyişdirilməsini və azadlığa buraxılmalarını xahiş ediblər.

Qaradağ Rayon Məhkəməsi hər iki qardaşının müraciətini təmin etməyib. Qərardan narazı qalan ömürlük məhkum qardaşlar apellyasiya şikayəti veriblər.

Qeyd edək ki, 2001-ci il avqustun 19-da naməlum şəxslər Zaqatala Rayon Polis Şöbəsinin qarşısında xidmət aparan polis əməkdaşlarını avtomat silahlardan atəşə tutublar. Nəticədə 5 əməkdaş müxtəlif dərəcəli bədən xəsarətləri alıb. Polisin açdığı cavab atəşindən sonra silahlı cinayətkarlar hadisə yerindən qaçıblar.

Həyata keçirilmiş əməliyyat-axtarış tədbirləri nəticəsində müəyyən edilib ki, qeyd olunan bu ağır cinayəti təxribatlar törətmək, milli zəmində münaqişə yaratmaq və beləliklə, bölgədə sabitliyi pozmaq məqsədilə iyulun 30-da daxili qoşunların Zaqatala rayonunun Qala adlanan ərazisində yerləşən hərbi hissəsinin növbətçi hissəsinə silahlı hücum edən, avqustun 17-də həmin rayonun Car kəndindəki İmam Şamilin büstünü partladan cinayətkar qrupun üzvlərindən Zaqatala rayonunun Kebeloba kənd sakinləri - İlham Baqqayev, Emin Baqqayev, Emin Mollayev, Qurban Həsənov, İslam Xiniyev, Abdulhəmid Bulayev, İbrahim Bulayev və digər şəxslər törədiblər.

Daxili İşlər Nazirliyinin, Respublika Prokurorluğunun və Milli Təhlükəsizlik Nazirliyinin birgə əməliyyatı zamanı hadisələri törətməkdə şübhəli olunan 23 nəfər tutulub.

İstintaqla müəyyən edilib ki, 3 nəfərin ölümü, 7 nəfərin ağır yaralanması, dövlət mülkiyyətinin və şəxsi mülkiyyətin məhv edilməsi ilə müşayiət olunan hərəkətlərin törədilməsində başlıca məqsəd respublikada ictimai-siyasi sabitliyi pozmaq, bu bölgədə etnik münaqişə ocağı yaratmaq, separatizm meyillərini qızışdırmaq olub. Cinayətkar dəstənin ayrı-ayrı üzvləri bu məqsədlə İrəvanda və Rusiyanın müxtəlif şəhərlərində Ermənistan xüsusi xidmət orqanlarının nümayəndələri ilə görüşüb, onlardan gizli təlimat, pul, silah, döyüş sursatı alıblar.

Qanunsuz silahlı qrupun əsas rəhbərlərindən olan Emin Mollayev, İlham və Emin Baqqayev qardaşları ömürlük, Nəcməddin Məmmədov və Şaban Buşdiyev 15 il, Fazil Davudov 13 il, Soltan Qazıxanov 11 il, Qurban Həsənov 10 il, digərləri isə 7-8 il müddətinə azadlıqdan məhrum ediliblər. İstintaq prosesində 16 nəfər barədə axtarış elan olunub.скачать dle 11.3




Şahidi olduğunuz hadisələri çəkib bizə göndərin!




            513 01.10.24 11:18