Radio həvəskarı olan sürücülərə şad xəbər: Tezlik problemi aradan qalxır » Median.Az - Bütün xəbərlər bir ünvanda
23:11 Azərbaycan diasporunun rəhbəri Rusiya vətəndaşlığından məhrum EDİLDİ  |     22:48 Kredit kartları azalır, əməliyyatların həcmi artır – Səbəb nədir?  |     22:38 Tramp Zelenski və Avropa liderləri ilə görüşdən dərhal sonra Putinə zəng edəcək  |     21:57 Zelenski Ukraynada prezident seçkisinin keçirilməsi şərtini açıqladı  |     21:44 Azərbaycanın iki güləşçisi dünya çempionatında bürünc medal qazanıb  |     21:37 Azərbaycanda zəlzələ oldu  |     21:15 Şəhidlər xiyabanında görüntüləri yayılan əcnəbilərlə bağlı Dövlət Turizm Agentliyindən AÇIQLAMA (Video)  |     20:58 Gəncədə yol hərəkətinin təşkilində dəyişiklik olunub - Foto  |     20:51 Bolqarıstan və Xorvatiyanın bəzi vilayətlərindən Azərbaycana müvafiq malların idxalına məhdudiyyət qoyulub  |     20:43 Ağdamda yanğına səbəb olan şəxs saxlanılıb  |     20:37 Azərbaycanda daha 73 nəqliyyat vasitəsi hərraca çıxarılacaq  |     20:35 Voronejdə azərbaycanlı iş adamı həbs olundu - FOTO  |     20:32 Əmək hüquqlarını pozan hüquqi şəxs məsuliyyətə cəlb edilib  |     20:26 18 yaşadək uşaqları olan ailələrdə qeydə alınan boşanmaların sayı məlum olub  |     20:18 Ötən həftə 1362,7 ha ərazi minalardan təmizlənib  |     20:10 Həbsdə olan müğənni Dəniz Əsədovanın cəzası artırılıb  |     20:03 Ermənistan ordusunun Laçına hücumu zamanı zərərçəkmiş: Ailəmizin dörd üzvü top atəşləri nəticəsində həlak oldu  |     19:58 Ömürlük məhkum "Gəncəli Mübariz"in oğlunun şikayəti təmin edilməyib  |     19:53 Sabah 36 dərəcə isti olacaq  |     19:46 Paşinyanın bu axşam erməni xalqına müraciəti olacaq  |    

Radio həvəskarı olan sürücülərə şad xəbər: Tezlik problemi aradan qalxır

"Azərbaycanda FM radioyayımlar, əsasən, paytaxt ərazisində yayımlanıb və bölgələrdəki əhalinin milli radio proqramlarını qəbuletmə imkanı məhdud olub".

"APA-Economics" xəbər verir ki, bunu "Azərbaycan Respublikasının ərazisində radioyayım şəbəkəsinin genişləndirilməsi üçün maliyyə vəsaitinin ayrılması haqqında" Azərbaycan Respublikası Prezidentinin 2023-cü il 24 iyul tarixli Sərəncamının icra vəziyyəti ilə bağlı brifinqdə rəqəmsal inkişaf və nəqliyyat nazirinin müavini Samir Məmmədov deyib.

O qeyd edib ki, FM radioyayım avadanlıqları parkının müasirləşdirilməsinə, radioyayım infrastrukturunda müəyyən təmir-bərpa işlərinin görülməsinə ehtiyac yaranıb:

"Həmçinin, bəzi stansiyalarda elektrik enerjisi təsərrüfatı köhnəldiyi üçün dayanıqlı enerji təminatı vacib bir məsələyə çevrilib. Bütün bu amillər FM radioyayım şəbəkəsinin keyfiyyətinin və dayanıqlılığının artırılması üçün kompleks həll tələb edir.

Sözügedən sərəncamın məqsədi məhz buna yönəlib. Belə ki, radioyayım şəbəkəsində təkmilləşdirmə işləri aparılmaqla milli radioların bütün ölkə ərazisində yayımının təmin olunması və bu istiqamətdə, əsasən, özəl yayımçılara dövlət dəstəyinin göstərilməsi sərəncamdakı mühüm məqamlardan biridir".

S.Məmmədov bildirib ki, bu layihə çərçivəsində həm də yeni texnologiyaların istifadəsi nəzərdə tutulub:

"Qurulmaqda olan Radio Data Sistemi sayəsində hərəkətdə olan nəqliyyat vasitəsi bir bölgədən digər bölgənin ərazisinə keçdikdə tezliyin avtomatik tənzimlənməsi baş verəcək. Bu isə indiyədək mövcud olan tezliklərin dəyişməsi, radiosiqnalın itməsi kimi problemləri aradan qaldıracaq.

Sərəncamın icrası ilə bağlı hazırda intensiv işlər görülür. Bu işlər çərçivəsində artıq nəzərdə tutulan stansiyaların əksəriyyətində avadanlıqlar quraşdırılıb. Hazırda sınaq yayımları və texniki-tənzimləmə işləri aparılır. Aparılmış radiomonitorinqlər bu yayımların keyfiyyətli təşkil edildiyini göstərir. Yaxın aylar ərzində işlərin tam başa çatdırılması nəzərdə tutulur. Bu müddət ərzində yeni ayrılmış tezliklərin qonşu ölkələrlə və beynəlxalq səviyyədə koordinasiyası davam etdiriləcək".скачать dle 11.3




Şahidi olduğunuz hadisələri çəkib bizə göndərin!




            633 22.07.24 12:53