Azərbaycan Ordusunda zabit olmaq istəyənlərin NƏZƏRİNƏ - VİDEO » Median.Az - Bütün xəbərlər bir ünvanda
16:15 Azərbaycanda qeydiyyatda olan işsizlərin sayı açıqlanıb  |     15:56 Polis Astarada xüsusi əməliyyat keçirdi: Narkotacirlərin "PUA marşrutu" ifşa olundu - Video  |     15:42 Azərbaycan, İran və Rusiya nümayəndə heyətləri Astara-Rəşt dəmiryoluna birgə baxış keçiriblər  |     15:29 Azərbaycan əhalisinin sayı açıqlandı  |     15:27 Azərbaycan, İran və Rusiya nümayəndə heyətləri Astara-Rəşt dəmiryoluna birgə baxış keçiriblər  |     15:10 ATƏT-in fəaliyyətdə olan sədrinin Azərbaycana səfəri təxirə salınıb  |     14:53 Bakıda taksilərin sayına limit qoyuldu: NK-dan mühüm QƏRAR  |     14:14 Bakıda şirkətdən 7 min manatlıq oğurluq - İki mühafizəçisi saxlanıldı  |     14:04 Bakıda qadın evdə doğuş edib  |     14:01 Fəvvarələr meydanında qanunsuz fotoqraflıq edən gənc həbs olundu  |     13:58 Hərbi xidmətdən yeni gələn gənci maşınla vuraraq öldürən şəxs məhkəmə zalında həbs edildi  |     12:13 Keçmiş icra başçısı VƏFAT ETDİ  |     12:13 Yevlaxda yetkinlik yaşına çatmayan ana ilə bağlı ARAŞDIRMA BAŞLADI  |     12:12 Şagirdlərin elektron yerdəyişməsi prosesinə start verilir  |     12:11 Paytaxtın Nizami rayonunda avtomobil yanıb - Video  |     12:10 Keçmiş arvadını azyaşlı oğlunun gözləri qarşısında öldürmək istəyən şəxsin cəzası azaldıldı  |     12:09 Azərbaycan nefti ucuzlaşıb  |     12:08 Paytaxtda yeni pulsuz parklanma yerləri təşkil edilib - ÜNVANLAR  |     12:07 Kürdəmirdə 34 yaşlı qadın ürəyindən bıçaqlandı - Əri SAXLANILDI  |     12:06 Cüdoçularımız Limada keçirilmiş Qran-pridə 7 medal qazanıb  |    

Azərbaycan Ordusunda zabit olmaq istəyənlərin NƏZƏRİNƏ - VİDEO

Müdafiə Nazirliyinin hərbi hissələrinə psixoloq ixtisası üzrə zabitlərin həqiqi hərbi xidmətinə könüllü daxil olmaq arzusunda olan, müddətli həqiqi hərbi xidmətini başa vurmuş, ali təhsilli, 30 yaşınadək olan vətəndaşlar martın 27-dən aprelin 20-dək müvafiq sənədlərlə birlikdə Azərbaycan Ordusunun Təlim və Tədris Mərkəzində (AO TTM) fəaliyyət göstərən qəbul komissiyasına müraciət edə bilərlər.

Bu barədə Müdafiə Nazirliyi məlumat yayıb.

“Ehtiyat zabit hazırlığı kursu”na qəbul olunmaq üçün müraciət etmiş vətəndaşlar Azərbaycan Ordusunun Təlim və Tədris Mərkəzində fəaliyyət göstərən qəbul komissiyası tərəfindən hərbi xidmətə yararlılıq dərəcələrinin müəyyən edilməsi məqsədilə Müdafiə Nazirliyinin Hərbi Həkim Komissiyasına göndərilirlər. Komissiyanın qərarına əsasən hərbi xidmətə yararlı hesab edilmiş şəxslər qəbul imtahanlarına buraxılırlar.

Fiziki hazırlığı, ümumi bilik səviyyəsi, düşünmə qabiliyyəti, peşə maraqları, ünsiyyət qurmaq və qərar qəbuletmə bacarıqları, fərdi-psixoloji və digər keyfiyyətlərinin öyrənilməsi məqsədilə keçirilən imtahanları müvəffəqiyyətlə vermiş namizədlər müvafiq ixtisaslar üzrə kursa qəbul edilir.

“Ehtiyat zabit hazırlığı kursu”nu müvəffəqiyyətlə başa vuran kursantlara “leytenant” hərbi rütbəsi verilməklə zabitlərin həqiqi hərbi xidmətinə qəbul olunmaları barədə bağlaşma bağlanır və onlar ixtisaslarına uyğun vəzifələrə təyin olunurlar.

Kursa qəbul olunmaq istəyən namizədlər AO TTM-də fəaliyyət göstərən qəbul komissiyasına müraciət edərkən aşağıdakı sənədləri təqdim etməlidirlər:

- kursa qəbul olunmaq barədə ərizə (qəbul komissiyasının sədrinə);

- şəxsən yazılmış tərcümeyi-hal, əlyazma ilə 1 nüsxədə və çap edilmiş 2 nüsxədə;

- xidmət (iş və ya təhsil) yerindən xasiyyətnamə;

- ali təhsil haqqında sənədin notarial qaydada təsdiq edilmiş surəti - 1 ədəd;

- xarici dövlətlərdə təhsil almış namizədlər üçün, ali təhsil haqqında sənədin notarial qaydada tərcümə və təsdiq edilmiş surətilə yanaşı, həmin sənədə Azərbaycan Respublikasının Təhsil Nazirliyi tərəfindən verilmiş şəhadətnamənin notarial qaydada təsdiq edilmiş surəti;

- doğum haqqında şəhadətnamənin və şəxsiyyət vəsiqəsinin notarial qaydada təsdiq edilmiş surəti - 1 ədəd;

- nikah haqqında şəhadətnamənin notarial qaydada təsdiq edilmiş surəti (evli olduqda) - 1 ədəd;

- uşaqların doğum haqqında şəhadətnamələrinin notarial qaydada təsdiq edilmiş surəti (uşaq olduqda) - 1 ədəd;

- evlər idarəsindən və ya yerli icra hakimiyyəti orqanlarından ailə tərkibi və yaşayış yeri haqqında arayış - 1 ədəd;

- 4 ədəd rəngli fotoşəkil (baş geyimsiz, anfas, 2 ədəd 3x4 sm və 2 ədəd 4,5x6 sm ölçüdə);

- psixiatrik, nevroloji, narkoloji, vərəm və dəri-zöhrəvi dispanserlərindən (kabinetlərdən) qeydiyyatda olub-olmaması haqqında arayışlar;

- qeydiyyatda olduğu poliklinikadan sağlamlıq haqqında arayış;

- qeydiyyatda olduğu poliklinikadan son 5 (beş) ildə infeksion xəstəliklərlə bağlı müraciət edib-etməməsi haqqında arayış;

- hərbi biletin surəti (notarial qaydada təsdiq olunmuş) - 1 ədəd.

Qeyd edilib ki, məhkumluğu olan hərbi vəzifəlilərin “Ehtiyat zabit hazırlığı kursu”na qəbul üçün müraciət etməmələri xahiş olunur.

Ünvan: Bakı şəhəri, Yasamal rayonu, Şəfayət Mehdiyev küçəsi 76, “Qızıl Şərq” hərbi şəhərciyi (Azərbaycan Ordusunun Təlim və Tədris Mərkəzi).

Telefon: (012) 538-35-70.

Müraciət etmə vaxtı: 2024-cü il mart 27-dən aprelin 20-dək hər gün saat 09:00-dan 17:00-dək.
скачать dle 11.3




Şahidi olduğunuz hadisələri çəkib bizə göndərin!




            1 050 26.03.24 14:18