“Beşiktaş” Juninyonu transfer siyahısına salmaq istəyir

Bu mövsüm çempionluq yarışını erkən tərk edən “Beşiktaş” növbəti mövsümə heyət qurmaq üçün səylərini davam etdirir.

“Beşiktaş” Futbol Komandalarının Baş Koordinatoru Samet Aybaba bu məqsədlə Almaniyaya gedərək “Dortmund”- PSV və “Bayer Leverkusen” - “Qarabağ” matçlarını canlı izləyib.

Aybabanın “Leverkuzen” - “Qarabağ” matçında Azərbaycan təmsilçisinin braziliyalı hücumçusu Juninyonu (Olavia Viera dos Santos Junior) bəyəndiyi məlum olub.

Onun göstərdiyi performans və vurduğu qol Aybabanın diqqətini çəkib.

Juninyonun adının İstanbulda “Beşiktaş”ın transfer siyahısına salınaraq, rəhbərliyə təqdim ediləcəyi bildirilir. İclasın qərarından asılı olaraq 27 yaşlı futbolçu ilə bağlı mövsümün sonunda qərar veriləcək.

Qeyd edək ki, bu mövsüm “Qarabağ”da 43 oyun keçirən Juninyo ümumilikdə 23 qol vurub, yeddi məhsuldar ötürmə edib.

Xatırladaq ki, braziliyalı ulduzun “Qarabağ”la müqaviləsi 2026-cı ildə başa çatacaq.

Mənbə: Takvim.com.trскачать dle 11.3

Şahidi olduğunuz hadisələri çəkib bizə göndərin!