Cənubi Avstraliya Universitetinin alimləri badamın artıq çəki ilə mübarizədə təsirli olduğunu müəyyən ediblər. Bu qida həmçinin aclığı idarə etməyə kömək edir və ürək sağlamlığını yaxşılaşdırır.

Araşdırmanın nəticələri "Obesity" jurnalında dərc olunub.

Təcrübədə 25-65 yaş arası 106 artıq çəkidən əziyyət çəkən şəxs iştirak edib.Tədqiqatçılar onları iki qrupa ayırıblar. Doqquz ay ərzində hər iki qrup üç aylıq kalori məhdudlaşdırılmış pəhrizdən sonra altı aylıq çəki saxlama pəhrizini əhatə edən xüsusi qidalanma proqramını izlədi.

Birinci qrupdakı iştirakçılar yeməklər arasında qəlyanaltı kimi yüksək karbohidratlı krekerlər və ya müsli, ikinci qrup isə badam yeyib.

Təcrübənin sonunda məlum oldu ki, hər iki qəlyanaltı növü ilkin göstərici ilə müqayisədə iştirakçıların çəkisinin təxminən 9,3% azalmasına səbəb olub.

Bununla belə, badam istehlak edən iştirakçıların daha yüksək kardiometabolik sağlamlıq göstəriciləri olduğu aşkar edilmişdir.Pəhriz boyunca özlərini tox hiss ediblər.

Alimlər bu nəticələri badamın tərkibində xeyli miqdarda doymamış yağ olması ilə izah ediblər.
//Baku.wsскачать dle 11.3