"AA" seriyalı nömrəni axtarışda olan avtomobillə taxıb idarə edirmiş

Bakıda sürücünün başqa bir avtomobilə məxsus "AA” dövlət nömrə nişanını öz maşınına taxaraq idarə etməsi məlum olub.

Qaynarinfo-nun məlumatına görə, buna görə 1979-cu ildə Ağdam şəhərində doğulmuş Elnur (şərti ad) adlı şəxs saxlanılıb və barəsində İnzibati Xətalar Məcəlləsinin 535.1-ci maddəsi ilə inzibati xəta törətməsinə dair protokol tərtib edilib.

İşə məhkəmədə baxılıb. Məlum olub ki, Elnurun idarə etdiyi avtomobil axtarışda olub və Dövlət Yol Polisindən (DYP) yayınmaq üçün başqa bir avtomobilə məxsus "AA” dövlət nömrə nişanını taxaraq idarə edib.

Həmçinin onun həmin avtomobili idarə etmək üçün səlahiyyətinin (etibarnamə və ya yol vərəqi) olmadığı məlum olub.

Məhkəmənin qərarı ilə sürücü İnzibati Xətalar Məcəlləsinin 535.1-ci maddələsi ilə təqsirli bilinib və ona inzibati tənbeh olaraq 8 gün müddətində inzibati həbs təyin edilib.

Baş Dövlət Yol Polisi İdarəsinin (BDYPİ) İctimai qurumlarla əlaqə şöbəsinin inspektoru, polis kapitanı Toğrul Nəsirli Qaynarinfo-ya bildirib ki, Bakı şəhər Dövlət Yol Polisi İdarəsinin YPX Alayının əməkdaşları tərəfindən həmin sürücü aşkar edilərək saxlanılıb və barəsində protokollar tərtib edilərək baxılması üçün aidiyyəti məhkəməyə göndərilib. Məhkəmə isə, sürücü barəsində müvafiq qərar verib.

Qeyd edək ki, həmin avtomobil 2016-ci ildən axtarışda olub.скачать dle 11.3

Şahidi olduğunuz hadisələri çəkib bizə göndərin!