Plastik kartlarla əməliyyatların sayı 51% artıb

Azərbaycan banklarının dövriyyədə olan aktiv plastik kartlarının sayı bu ilin iyul ayında əvvəlki ayla müqayisədə 88 min və ya 0,9 % artaraq 10,139 milyona çatıb.

Median.Az Azərbaycan Mərkəzi Bankına (AMB) istinadən xəbər verir ki, ilin əvvəli ilə müqayisədə 9,8 %, son bir ildə isə 15,3 % çoxdur.

Hesabat dövründə sosial kartların sayı 3,409 milyon (əvvəlki ayla müqayisədə 1,7 % az), əmək haqqı kartları 2,601 milyon (0,3 % çox), digər kartlar 2,884 milyon (3,5 % çox) və kredit kartlarının sayı 1,244 milyon (3,4 % çox) ədəd olub.

Bu il avqustun 1-nə debet və kredit kart sahibləri ümumi dəyəri 3,225 milyard manat olan 29,084 milyon əməliyyat həyata keçiriblər. Bu isə illik müqayisədə müvafiq olaraq 20,2 % və 50,9 % çoxdur.скачать dle 11.3

Şahidi olduğunuz hadisələri çəkib bizə göndərin!