Nazir: "Şəhid ailələri və qazilərin sosial müdafiəsinin gücləndirilməsi tədbirləri davam etdiriləcək" » Median.Az - Bütün xəbərlər bir ünvanda
14:19 70 mindən çox müəllim əməkhaqqısını diffensial qaydada artımla alacaq  |     14:18 İranın ballistik raketlərinin hissələri İordaniya və Suriya ərazisinə düşüb  |     14:16 İran-İsrail münaqişəsində ƏN QORXULU SSENARİ açıqlandı  |     14:15 Bakıda bütün ictimai çimərliklər 15 iyundan başlayacaq mövsümə tam hazır vəziyyətdədir  |     14:10 Rusiya vətəndaşlarından ibarət qrup Azərbaycana təxliyə edilir - FOTO / VİDEO  |     14:06 Bakıda dənizdə batmaq təhlükəsi olan 26 yaşlı kişi xilas edilib - VİDEO  |     14:03 Tanınmış tarzən vəfat etdi - FOTO  |     14:01 Azərbaycan neftinin qiyməti 77 dolları ötdü  |     14:00 Yol polisindən "Son zəng"lə bağlı XƏBƏRDARLIQ  |     13:57 Yayda kondisioner olmadıqda, mənzili necə sərinlətmək olar? - Rusiyalı həkim üsulları açıqladı  |     13:54 "Bu yaşda harada işləyim?" - Müəllimlər məktəbin bağlanmasına etiraz edirlər (VİDEO)  |     13:48 Həkim sevgilisini videoları ilə şantaj edənə hökm oxundu: Deputatlığa namizəd olubmuş  |     13:41 Azərbaycan Dövlət Pedaqoji Kollecinin direktoru vəzifəsindən gedib  |     13:40 Binəqədi–Novxanı avtomobil yolunda nəqliyyatın hərəkəti qismən məhdudlaşdırılacaq  |     13:14 İran Türkiyə sərhədində İsrailin kəşfiyyat PUA-larını vurdu  |     13:07 Rəsmi Tehran: "ABŞ ilə nüvə danışıqları artıq mənasızdır"  |     23:01 Bir manata görə "parkovşik"lər dalaşdı: Birinin çənəsi sındı  |     22:57 İran İsrailə yüzlərlə ballistik raket buraxdığını bildirib  |     22:55 Bu rayonda xəstəxana tikilir - Layihəsi 597 minə hazırlanacaq  |     22:50 Bakı çimərliklərində "cib yandıran" qiymətlər  |    

Nazir: "Şəhid ailələri və qazilərin sosial müdafiəsinin gücləndirilməsi tədbirləri davam etdiriləcək"

Prezident İlham Əliyevin Sərəncamına əsasən “Azərbaycan 2030: sosial-iqtisadi inkişafa dair Milli Prioritetlər”ə uyğun “2021-2025-ci illərdə sosial-iqtisadi inkişaf Strategiyası”nın hazırlanması məqsədilə yaradılmış Komissiyanın İnklüziv sosial inkişaf və sosial təminat üzrə alt İşçi Qrupu növbəti iclasını keçirib.

Bu barədə "Report"a Əmək və Əhalinin Sosial Müdafiəsi Nazirliyindən məlumat verilib.

İşçi qrupun sədri, əmək və əhalinin sosial müdafiəsi naziri Sahil Babayev Azərbaycanda ötən dövrdə əldə olunmuş mühüm sosial-iqtisadi nailiyyətləri diqqətə çatdırıb. O, Prezident İlham Əliyevin tapşırıqları əsasında xüsusilə də sosial ödənişlərin artırılması sahəsində son illərdə əhəmiyyətli irəliləyişlərin olduğunu vurğulayıb. Pensiya, müavinət, təqaüd və digər sosial ödənişlərdə ciddi artımların edildiyini diqqətə çatdırıb.

Nazir qeyd edib ki, Milli prioritetlərə uyğun olaraq, bu nailiyyətlər, sosial müdafiə və aktiv məşğulluq proqramlarının genişləndirilməsi, habelə şəhid ailələri və qazilərin sosial müdafiəsinin gücləndirilməsi tədbirləri davam etdiriləcək. Pensiya təminatı sisteminin uzunmüddətli inkişafı üçün maliyyə dayanıqlığının və sosial sığorta prinsiplərinin daha da gücləndirilməsi diqqətdə saxlanacaq.

S.Babayev qeyri-formal məşğulluğun həcminin müəyyənləşdirilməsi və azaldılması məqsədilə zəruri qabaqlayıcı və nəzarət tədbirləri gücləndiriləcəyini vurğulayıb. O bildirib ki, regionlarda yeni sosial xidmət və reabilitasiya müəssisələrinin yaradılması, həmçinin işğaldan azad olunmuş ərazilərdə belə müəssisələrin tikilməsi, bu sahələrdə xidmətlərə əlçatanlığın artırılması da əsas hədəflərdəndir.

İclasda qeyd edilən Strategiyanın müvafiq bölməsi üzrə hazırlanmış layihəyə dair müzakirələr aparılıb.

Xatırladaq ki, alt İşçi Qrupun üzvləri maliyyə, iqtisadiyyat, gənclər və idman nazirlərinin müavinləri, Ailə, Qadın və Uşaq Problemləri üzrə Dövlət Komitəsi və Qaçqınların və Məcburi Köçkünlərin İşləri üzrə Dövlət Komitəsi sədrlərinin müavinləridir.скачать dle 11.3




Şahidi olduğunuz hadisələri çəkib bizə göndərin!




            588 25.05.21 18:55