Avropa Futbol Assosiasiyaları Birliyi (UEFA) iyun ayından etibarən stadionlarda tamaşaçı məhdudiyyəti ilə bağlı qərarını ləğv edəcək.
TASS xəbər verir ki, koronavirus pandemiyası ilə əlaqədar hələ ötən ilin oktyabr ayında tətbiq etdiyi qərarla qurum idman arenalarına 30%-dək tamaşaçı buraxmağa icazə vermişdi. Yeni qərara əsasən, izləyici sayı yalnız yerli hökumət qurumları tərəfindən müəyyən olunacaq. Bu zaman həmin ərazidə koronavirusla bağlı vəziyyət əsas götürüləcək.
Təşkilatın öncəki qərarı Çempionlar Liqasının mayın sonlarında keçiriləcək final qarşılaşmasına da şamil olunacaq və yalnız bu oyundan sonra yeni qayda tətbiq ediləcək.
Bununla yanaşı, UEFA AVRO-2021 matçlarında oyunçu dəyişikliyinin sayı ilə bağlı qərarını da açıqlayıb. Beləliklə, Avropa çempionatı oyunlarında 5 futbolçu dəyişikliyinə icazə veriləcək.
Qeyd edək ki, AÇ-2021 11 iyun-11 iyul aralığında keçiriləcək. Turnirin oyunları 12 şəhərdə, o cümlədən də Bakıda təşkil olunacaq.
Şahidi olduğunuz hadisələri çəkib bizə göndərin!
Son Əlavə