Küveytdən Fransaya xəbərdarlıq

Küveyt dövləti Fransada Məhəmməd peyğəmbəri təhqir edən karikaturaların davamlı yayımlanmasından çox narahat olduğunu bildirib.

Bu barədə ölkənin Xarici İşlər Nazirliyi açıqlama verib.

Küveytin İslam Əməkdaşlıq Təşkilatının İslam ümməti adına verdiyi açıqlamanı bütün məzmunu ilə dəstəklədiyi qeyd olunub.

Səmavi dinlər və ya Məhəmməd peyğəmbərlə bağlı nifrət, kin və şiddətə səbəb olacaq bu cür təhqirləri dəstəkləməyin və buna davam etməyin ağır nəticələrə səbəb ola biləcəyi barədə xəbərdarlıq edilib.