Türkiyədə yaşayan 28 yaşlı azərbaycanlı Elnur Qələndərli uzun müddətdir itkin düşüb.
Median.Az xəbər verir ki, bu barədə Repot-a onun atası Əziz Qələndərli məlumat verib.
Ə.Qələndərlinin sözlərinə görə, oğlu ilə əlaqə 2016-cı ilin martında kəsilib: “Oğlum 1992-ci ilin iyulun 22-də Qazax şəhərində doğulub. Qazax şəhərində marketdə işləyirdi. 2016-cı il fevralın sonunda İstanbula getdi. Üsküdarda işləyirdi. Tez-tez telefonla danışırdıq. Martın əvvəlində zəng etdik, telefonu bağlı idi. Həmin gündən indiyə kimi ondan heç bir xəbər ala bilmədik”.
Oğlu ilə əlaqəsi kəsilən Ə.Qələndərli onu axtarmaq üçün İstanbula gedib: “Elə həmin ildən İstanbula gedərək, oğlumu itkin düşdüyü şəhərdə axtarmağa başladım. Türkiyənin bir çox şəhərlərinə getdim. Polisə də müraciət emişik. Onlar da axtarırlar. Lakin ondan heç bir xəbər yoxdur.
Oğlumu tanıyan, yerini bilən hər kəsdən kömək gözləyirəm”.
Şahidi olduğunuz hadisələri çəkib bizə göndərin!
Son Əlavə