Koronavirusa qarşı effektli dərmanın faydasız olduğu sübut edildi

Hidroksixloroxin COVID-19-un sonrakı profilaktikasında təsir göstərməyib.

Bu barədə təcrübənin nəticələri “New England Medicine Journal”da dərc edilib.

ABŞ-da Minnesota Universitetinin alimləri koronavirus xəstələri ilə 10 dəqiqə və ya daha uzun müddət əlaqə saxlayan 821 xəstənin iştirak etdiyi təcrübəyə əsasən araşdırma aparıblar. Onların 719 nəfərinin qoruyucu maskalar və əlcəklərdən istifadə etmədikləri üçün “yüksək risk” altında olduğu güman edilir. Tədqiqatın bütün iştirakçılarına təsadüfi qayda ilə - hidroksixloroxin və ya plasebo - müalicəvi faydası olmayan maddə verilib.

Məlum olub ki, məşhur dərmanı qəbul edən 414 nəfərdən 49-u koronavirus xəstəliyinə yoluxub. Plasebo qrupunda 407 xəstədən 58-nə COVID-19 diaqnozu qoyulub. Hidroksixloroxin qəbul edənlər arasında koronavirusa yoluxanların nisbəti plasebo qəbul edən tədqiqat iştirakçılarının 14,25 faizinə qarşı 11,83 faiz təşkil edib. Bu dərman və plasebo ilə qrupdakı yan təsirlər müvafiq olaraq 40,1 və 18,6 faiz təşkil edib. Lakin hər iki qrupda ciddi nəticələr əldə edilməyib. Beləliklə, alimlər hidroksixloroxinin xəstəliyin qarşısının alınmasında faydasız olduğunu sübut ediblər.