“Azərbaycanda baş verən bütün cinayətlər qeydə alınır. Ölkədə qeydə alınan cinayətlərin 90 faizinin üstü açılıb”.
Bu barədə Oxu.Az-a Daxili İşlər Nazirliyinin (DİN) mətbuat xidmətinin rəhbəri Ehsan Zahidov məlumat verib.
O bildirib ki, respublika ərazisində baş verən bütün cinayətlər barədə gündəlik məlumatlar verilir:
“Hər gün Daxili İşlər Nazirliyinin rəsmi saytında gündəlik məlumatlar yerləşdirilir. Baş verən cinayətlərlə bağlı ərazi üzrə xidmət aparan polis əməkdaşları tərəfindən təxirəsalınmaz tədbirlər görülür.
Cinayətlərin üstünün açılması və hadisəni törədən şəxslərin qanunvericilik normalarına uyğun olaraq məsuliyyətə cəlb edilməsi istiqamətində əməliyyat axtarış-tədbirləri aparılır.
Hazırda Azərbaycanda törədilən cinayətlərin açılma faizi 90-a çatıb. Heç bir MDB ölkəsində bu qədər yüksək göstəricilər qeydə alınmır. Bu, çox ciddi rəqəmdir. Geridə qalan 10 faizə daxil olan üstü açılmayan cinayətlər istiqamətində isə əməliyyat-axtarış tədbirləri, araşdırmalar davam etdirilir”.
Şahidi olduğunuz hadisələri çəkib bizə göndərin!
Son Əlavə