Güclü külək qaz təsərrüfatına ziyan vurdu, dörd kənd qazsız qaldı - FOTO
Fevralın 28-də gecə saatlarında əsən güclü külək nəticəsində qaz təsərrüfatına ciddi zərər dəyib.
Bu barədə “Azəriqaz” İstehsalat Birliyinin mətbuat xidmətinin rəhbəri Ceyhun Səfərov məlumat verib.
O bildirib ki, güclü külək Oğuz rayonunda bir sıra fəsadlara yol açıb:
"Rayonun Bucaq, Calut, Muxas, Bayan kəndlərini qazla təmin edən 159 mm diametrində olan orta təzyiqli qaz xətti aşan irigövdəli ağacın altında qalıb. Nəticədə kəmərə ciddi zərər dəyib. Kəmərin zədələnmiş hissəsinin təmiri ilə bağlı təhlükəsizlik tədbiri olaraq, dörd kəndin minə yaxın abonentinin qaz təchizatı müvəqqəti olaraq dayandırılıb".
Bundan başqa, Binəqədi rayonu Binəqədi kəndində Ə.Qarayev küçəsində isə vətəndaşa məxsus hasarın aşması nəticəsində 25 mm və 20 mm diametrində olan qaz xətləri qırılıb, bir ədəd qaz sayğacı yararsız hala düşüb.
“Azəriqaz” İstehsalat Birliyinin əməkdaşları hər iki qəzanın tezliklə aradan qaldırılmasına çalışır.
Bu barədə “Azəriqaz” İstehsalat Birliyinin mətbuat xidmətinin rəhbəri Ceyhun Səfərov məlumat verib.
O bildirib ki, güclü külək Oğuz rayonunda bir sıra fəsadlara yol açıb:
"Rayonun Bucaq, Calut, Muxas, Bayan kəndlərini qazla təmin edən 159 mm diametrində olan orta təzyiqli qaz xətti aşan irigövdəli ağacın altında qalıb. Nəticədə kəmərə ciddi zərər dəyib. Kəmərin zədələnmiş hissəsinin təmiri ilə bağlı təhlükəsizlik tədbiri olaraq, dörd kəndin minə yaxın abonentinin qaz təchizatı müvəqqəti olaraq dayandırılıb".
Bundan başqa, Binəqədi rayonu Binəqədi kəndində Ə.Qarayev küçəsində isə vətəndaşa məxsus hasarın aşması nəticəsində 25 mm və 20 mm diametrində olan qaz xətləri qırılıb, bir ədəd qaz sayğacı yararsız hala düşüb.
“Azəriqaz” İstehsalat Birliyinin əməkdaşları hər iki qəzanın tezliklə aradan qaldırılmasına çalışır.
