Çin restoranlarına gedən yoxdur

Virus yayılması həm də Çin restoranlar şəbəkəsinə böyük zərər vurub. Türkiyənin SHOW TV telekanalı İstanbulda bu məsələ ilə bağlı reportaj hazırlayıb. Reportajda restoranların boş olması gözə dəyir.

Median.Az xəbər verir ki, Çin restoranları bağlanmaq təhlükəsi ilə üzləşib. İstanbuldakı restoranlardan birinin rəhbəri telekanal əməkdaşına çox pis duruma düşdüklərini söyləyib. Onun sözlərinə görə, koronavirusa qədər hər gün 600 müştəriyə xidmət edirdilər. İndi isə bura gələnlərin sayı heç 20-yə çatmır. İşçilər bir-bir restoranı tərk etməyə başlayıb. Çünki iş getmir, restoran ziyanla işləyir. Bu gedişlə fəliyyət göstərmək uzun sürməyəcək.

Reportajda işçilərin əlcək və maskada gəzdiyi görünür. Restoran rəhbəri bütün məhsulları Türkiyədən aldıqlarını söyləyir. Amma nəinki müştəri itiriblər, hətta yaxınlıqdakı dükanların, mağazaların təzyiqinə məruz qalıblar. Hamı Çin restoranından ehtiyat edir, buranın tez bağlanmasını tələb edirlər.