Azərbaycanda maaşların hansı sahədə artdığı AÇIQLANDI - SİYAHI » Median.Az - Bütün xəbərlər bir ünvanda
18:20 İndoneziyada yanğın nəticəsində 10 nəfər ölüb  |     18:14 Bakının İslam Səfərli küçəsində içməli su və kanalizasiya xətləri yenilənir - Video  |     18:05 Ukrayna Krımda neft terminalına zərbə endirdiyini təsdiqləyib  |     18:00 Gələn ildən Şuşada "hiking" turları başlayacaq  |     17:51 Azərbaycan TANAP ilə qaz nəqlini 2 %-dən çox artırıb  |     17:46 Qızılın qiyməti 4200 dolları keçərək tarixi maksimumu yeniləyib  |     17:31 Türkiyədə zavodda partlayış: Ölən və yaralılar var  |     17:18 Premyer Liqada 11-ci tur “Zəfər turu” adlanacaq  |     17:16 Bakıda kafedə baytarlıq nəzarəti olmadan saxlanılan heyvanlar xilas edildi  |     16:58 Ramil Həsənin deputat fəaliyyətinə xitam verildi - FOTO  |     16:39 Əhməd əl-Şaraa Putinlə görüşdü  |     16:37 Bakıda yağış yağacaq - Sabahın havası  |     16:11 Respublika Hərbi Prokurorluğunda YENİ TƏYİNAT  |     15:54 DTX və DSX Azərbaycan-İran sərhədində əməliyyat keçirib  |     15:34 Hərbi qulluqçuların təhsillə əlaqədar sərəncamda olma müddətlərinə dəyişiklik edilir  |     15:27 Zərdabda yanğın törədən şəxs məsuliyyətə cəlb olundu  |     15:26 Ata həbsdə olan oğluna tərliyin içində narkotik keçirmək istədi  |     15:25 Zabitlərin ehtiyata buraxılma müddəti yeni qaydada müəyyənləşəcək  |     15:18 Məşhur general işdən azad edildi  |     13:29 Samuxda teplovoz yandı  |    

Azərbaycanda maaşların hansı sahədə artdığı AÇIQLANDI - SİYAHI

Azərbaycanda 2019-cu ildə maaşlar 15%-dən çox artıb.

FED.az xəbər verir ki, 2019-cu ilin yanvar-noyabr aylarında ölkə iqtisadiyyatında muzdla çalışan işçilərin orta aylıq nominal əməkhaqqı 2018-ci ilin müvafiq dövrünə nisbətən 15,4% artaraq 623,1 manat təşkil edib. 2018-ci ildə orta aylıq əməkhaqqı 540,1 manat olmuşdu.

2019-cu ildə dövlət sektorunda orta aylıq əməkhaqqı 516,5 manat təşkil edib. Bu, 2018-ci ilin eyni dövrü ilə müqayisədə 20% artım deməkdir.

Özəl sektorda isə ötən il orta maaş 759,7 manat olub. Bu 2018-ci illə müqayisədə 10,5% artıqdır. Xatırladaq ki, 2018-ci ildə özəl sektorda ümumi orta aylıq əməkhaqqı 687,7 manat, dövlət sektorunda isə 430,5 manat təşkil etmişdi.

2019-cu ildə əməkhaqqı neft-qaz sektorunda 3 059,7 manat, qeyri neft-qaz sektorunda 568 manat təşkil edib.

2018-ci ildə isə əməkhaqqı neft sektorunda 3 000,7 manat, qeyri-neft sektorunda 484 manat təşkil etmişdi.

Başqa sözlə, 2019-cu ildə neft-qaz sektorunda əməkhaqqı 2% artdığı halda, qeyri-neft sektorunda 17,4% artıb.

2019-cu ildə özəl sektorda çalışanlar arasında ən yüksək orta aylıq əməkhaqqı mədənçıxarma sənayesində olub - 3 941,1 manat.

Özəl sektorda ən az maaş alanlar isə dövlət idarəetməsi, müdafiə və sosial təminat sahəsində olub - 250,4 manat.

Dövlət sektorunda ən yüksək orta aylıq maaş maliyyə və sığorta fəaliyyəti sahələrində olub - 1 654,3 manat. Bu sektorda ən az maaş alanlar kənd təsərrüfatı, meşə təsərrüfatı və balıqçılıq sahəsində çalışanlarda olub - 302,4 manat.

Ümumilikdə, 2019-cu ildə:

Təhsil sahəsində maaşlar 18,1% artaraq 429,7 manata,

Səhiyyə sahəsində 43% artaraq 343,1 manata,

Maliyyə və sığorta sahəsində maaşlar 12% artaraq 1624 manata,

Ticarət və nəqliyyat vasitələrinin təmiri sahəsində maaşlar 21,3% artaraq 473,7 manata,

Dövlət idarəetməsində isə maaşlar 29,2% artaraq 752,8 manata yüksəlib.


скачать dle 11.3




Şahidi olduğunuz hadisələri çəkib bizə göndərin!




            1 624 22.01.20 16:14