Rusiya Konstitusiyası bu ilin mayınadək dəyişdiriləcək

Rusiya Konstitusiyasına dəyişikliklərə dair ümumrusiya səsverməsi bu il mayın 1-dək keçirilməlidir.

Median.Az-ın məlumatına görə, bu barədə TASS agentliyinə Federasiya Şurasındakı mənbə bildirib.

Mənbə qeyd edib ki, may ayınadək Konstitusiyaya dəyişikliklərə dair qanun layihələri üzrə könüllü ümumrusiya səsverməsi keçiriləcək.

Ehtimal edilir ki, səsvermə bazar günlərindən birinə salınacaq. Qanun layihələrinin Dövlət Dumasının müzakirəsinə fevral ayında çıxarılacağı gözlənilir.