Sumqayıtda iki avtomobil toqquşub - FOTO

Sumqayıt şəhərində iki avtomobilin toqquşması ilə nəticələnən yol-nəqliyyat hadisəsi baş verib.

"Report" xəbər verir ki, hadisə Sumqayıt şəhər İcra Hakimiyyətinin yaxınlığında qeydə alınıb.

Belə ki, 99-FV-308 dövlət nömrə nişanlı "Mercedes" markalı avtomobil dairəvi yola daxil olan 99-BN-130 dövlət nömrə nişanlı "Mercedes" markalı avtomobili gözləməyib və onunla toqquşub.

Qəza nəticəsində xəsarət alan olmasa da hər iki avtomobilə ziyan dəyib.

Hadisə yerinə DYP əməkdaşları cəlb edilib.