Sumqayıtda iki avtomobil toqquşub

Sumqayıt şəhərində iki avtomobilin toqquşması ilə nəticələnən yol-nəqliyyat hadisəsi baş verib.

Median.Az report-a istinadən xəbər verir ki, hadisə Heydər Əliyev adına parkın yaxınlığında - 9-cu mikrorayon ərazisində qeydə alınıb.

Belə ki, "90-ZX-214" dövlət nömrə nişanlı, "Mercedes" markalı avtomobil hərəkətdə olan "90-NG-578" dövlət nömrə nişanlı, "Mercedes" markalı maşınla toqquşub. Hadisə nəticəsində xəsarət alan olmasa da hər iki avtomobilə ciddi ziyan dəyib.