Qurğu gecə saatlarında niyə daşınmır? - Rəsmi
Xəbər verdiyimiz kimi, “SOCAR”ın Heydər Əliyev adına Neft emalı zavodunun müasirləşdirilməsi tədbirləri çərçivəsində Bakıya LPG qazlarının saxlanması üçün unikal böyüklükdə qurğu gətirilib. Uzunluğu 35 metr, həcmi isə 345 ton olan qurğu dünəndən etibarən Xətayi rayonu, Heydər Əliyev parkının qarşısından Neft emalı zavoduna daşınır.
Böyüklüyünə görə diqqət çəkən boru Babək prospektində sıxlığa səbəb olub. Bakı Nəqliyyat Agentliyinin yaydığı məlumata əsasən, sözügedən ərazidə müntəzəm marşrut xətlərinin intervalında gecikmələr yaranıb.
SOCAR-ın İctimaiyyətlə Əlaqələr İdarəsinin rəisi İbrahim Əhmədov “Qafqazinfo”ya açıqlamasında bildirib ki, qurğu plana əsasən həm gecə, həm də gündüz saatlarında daşınır:
“Başqa cür mümkün deyil. Əslində boru səhər zavoda çatmalı idi. Trafikdə yaranmış bizdən asılı olmayan səbəblərə görə zavoda çatmayıb. Bir az gecikib, yaxın zamanda çatması gözlənilir”.
İ. Əhmədov bildirib ki, qurğu modernizasiya çərçivəsində gətirilib və bunun kimi hələ 10 qurğu da gətiriləcək:
“Yanacağın keyfiyyətini, həcmini artırmaq üçün zavod yenidən qurulur. Ümumiyyətlə zavodun müasirləşdirilməsi işləri çərçivəsində LPG və digər qazların emalında artım olacaq. Lakin tələbat da artmaqdadır. Yaxşı olar ki, bizim istifadəçilərimiz daha əlverişli digər məhsullardan da istifadə etsinlər. Bu zaman LPG-nin tələbatına təzyiq azalar”.
Böyüklüyünə görə diqqət çəkən boru Babək prospektində sıxlığa səbəb olub. Bakı Nəqliyyat Agentliyinin yaydığı məlumata əsasən, sözügedən ərazidə müntəzəm marşrut xətlərinin intervalında gecikmələr yaranıb.
SOCAR-ın İctimaiyyətlə Əlaqələr İdarəsinin rəisi İbrahim Əhmədov “Qafqazinfo”ya açıqlamasında bildirib ki, qurğu plana əsasən həm gecə, həm də gündüz saatlarında daşınır:
“Başqa cür mümkün deyil. Əslində boru səhər zavoda çatmalı idi. Trafikdə yaranmış bizdən asılı olmayan səbəblərə görə zavoda çatmayıb. Bir az gecikib, yaxın zamanda çatması gözlənilir”.
İ. Əhmədov bildirib ki, qurğu modernizasiya çərçivəsində gətirilib və bunun kimi hələ 10 qurğu da gətiriləcək:
“Yanacağın keyfiyyətini, həcmini artırmaq üçün zavod yenidən qurulur. Ümumiyyətlə zavodun müasirləşdirilməsi işləri çərçivəsində LPG və digər qazların emalında artım olacaq. Lakin tələbat da artmaqdadır. Yaxşı olar ki, bizim istifadəçilərimiz daha əlverişli digər məhsullardan da istifadə etsinlər. Bu zaman LPG-nin tələbatına təzyiq azalar”.
