Şərqdə ilk demokratik respublikanın yaranmasından 106 il keçir » Median.Az - Bütün xəbərlər bir ünvanda
14:11 Yüzlərlə təqaüdçünün soyan Nuranə Məmmədova saxlanıldı - VİDEO  |     13:33 Deputat: Azərbaycanda işləyən vətəndaşların 65 faizinin əmək müqaviləsi yoxdur  |     13:18 X-da hər kəsə maraqlı olan YENİLİK  |     13:11 DİN “Son Zəng”lə bağlı valideyinlərə müraciət edib  |     13:07 Nikol Paşinyan: Qarabağ Azərbaycanın bir hissəsidir  |     13:04 Maşını duracağa yerləşdirilən müharibə iştirakçısı özünü yandırdı  |     13:01 Tacikistanla Azərbaycan dostluq bağları yaradacaqlar  |     12:58 Paşinyan Lukaşenkoya qəzəbləndi: Bütün erməni məmurlara Belarusa getməyi qadağan etdi  |     12:56 Goranboyda mağazadan oğurluq edən şəxs saxlanıldı  |     12:54 Məktəb və bağçalarda kondisioner niyə yoxdur? - AÇIQLAMA  |     12:44 Azərbaycanda RƏZALƏT: Boğazına ip bağlayıb gəzdirdilər, qayınanasının ayağından öpdürdülər (Yenilənib)  |     12:42 Azərbaycanda şəhid ailələrinin hüquqları ilə bağlı YENİLİKLƏR  |     12:41 İraqda neft emalı zavodunda güclü yanğın, azı 15 nəfər xəsarət alıb  |     12:40 Qubada avtomobili narkotiklərin təsiri altında idarə edən 10 sürücü aşkarlandı  |     12:38 Toydan qayıdan mikroavtobus qəzaya düşdü: Xəsarət alanlar var  |     12:37 Baş Qərargah: "Belarus ordusu xüsusi nüvə silahlarından istifadə etməyə hazırdır"  |     12:18 "WhatsApp"da yeni qadağa tətbiq ediləcək  |     12:10 "Android"də smartfonları oğurluqdan qorumaq üçün yeni funksiya  |     12:08 Yer kürəsinin rəqəmsal surəti yaradıldı  |     12:06 Dəhşətli xəstəliyin dərmanı tapıldı - Yapon alimlərindən müjdə  |    

Şərqdə ilk demokratik respublikanın yaranmasından 106 il keçir



Azərbaycanın milli bayramı - Müstəqillik Günü qeyd olunur.

Median.Az
xatırladır ki, 1918-ci il mayın 28-də Azərbaycan Xalq Cümhuriyyətinin yaradılması ölkəmizin həyatına böyük tarixi hadisə kimi daxil olub.

Müstəqil, azad, demokratik respublika qurmaq məqsədini qarşıya qoyan Azərbaycan Xalq Cümhuriyyəti cəmi 23 aylıq fəaliyyəti dövründə xalqın milli mənlik şüurunu özünə qaytarıb, onun öz müqəddəratını təyin etməyə qadir olduğunu nümayiş etdirib. 1918-ci il mayın 28-də qəbul edilən İstiqlal Bəyannaməsindən də göründüyü kimi, bu möhtəşəm tarix xalqımızın müstəqillik hisslərini daha da gücləndirib.

Azərbaycan Xalq Cümhuriyyətinin (AXC) qurulması 28 may 1918-ci ildə Tiflis şəhərində Qafqaz canişinliyinin binasında Məhəmməd Əmin Rəsulzadənin sədri olduğu Azərbaycan Milli Şurası tərəfindən bəyan edilib.

Uzun bir dövr Azərbaycan Çar Rusiyasının müstəmləkəsi olub. Ancaq Azərbaycan xalqı həmişə azadlığa, müstəqilliyə qovuşmaq üçün mübarizələr aparıb.

Yeni qurulan Azərbaycan Xalq Cümhuriyyəti öz üzərinə götürdüyü çətin tarixi vəzifəni şərəflə yerinə yetirib. Azərbaycanın ilk parlamenti və hökuməti, dövlət aparatı təşkil edilib, ölkənin sərhədləri müəyyənləşdirilib, bayrağı, himni və gerbi yaradılıb, ana dili dövlət dili elan edilib, ordu quruculuğu sahəsində ciddi tədbirlər həyata keçirilib, maarifin və mədəniyyətin inkişafına xüsusi diqqət yetirilib. Azərbaycanın ilk universiteti təsis olunub, təhsil milliləşdirilib, xalqın sonrakı illərdə mədəni yüksəlişi üçün zəmin hazırlayan, ictimai fikir tarixi baxımından müstəsna əhəmiyyətli işlər görülüb.

Mövcudluğunun ilk günlərindən xalq hakimiyyəti və insanların bərabərliyi prinsiplərinə əsaslanan Azərbaycan Xalq Cümhuriyyəti bütün ölkə vətəndaşlarına eyni hüquqlar verərək irqi, milli, dini, sinfi bərabərsizliyi ortadan qaldırıb.

AXC təkcə Azərbaycanda deyil, bütün Şərqdə ilk demokratik respublika idi. Ancaq AXC cəmi 23 ay yaşaya bilib. 1920-ci il aprelin 28-də bolşeviklərin 11-ci ordusu Azərbaycanı işğal edib və respublika süqut edib.

Müstəqillik Günü Azərbaycan müstəqilliyini bərpa etdikdən sonra dövlət bayramı kimi qeyd olunur. Əmək Məcəlləsinə görə, mayın 28-i qeyri-iş günü elan edilib.

Azərbaycan Prezidenti İlham Əliyevin sərəncamı ilə 2018-ci il "Azərbaycan Xalq Cümhuriyyəti İli" elan olunub və AXC-nin 100 illik yubileyi təntənəli şəkildə qeyd edilib.

AXC dövründə qaldırılan üçrəngli bayrağımız bu gün Ermənistanın işğalından azad edilən Qarabağda və Şərqi Zəngəzurda dalğalanır. 44 günlük Vətən müharibəsində Azərbaycan Ordusunun qəhrəman hərbçiləri öz cəsarəti ilə, Ali Baş Komandan İlham Əliyevin rəhbərliyi ilə buna nail oldular.
скачать dle 11.3




Şahidi olduğunuz hadisələri çəkib bizə göndərin!




            186 28.05.24 11:15