Daxili İşlər Nazirliyinin Kibercinayətkarlıqla Mübarizə Baş İdarəsi əməkdaşlarının keçirdiyi "TikTok" əməliyyatları nəticəsində saxlanılan Azər Zahidin məhkəməsi keçirilib.
Median.Az-ın əldə etdiyi məlumata görə, bu gün Nərimanov Rayon Məhkəməsində keçirilən prosesdə təqsirləndirilən şəxsin ev dustaqlığı ilə bağlı təqdimata baxılıb.
Məhkəmənin qərarına əsasən, Azər Zahid barəsində seçilmiş həbs qətimkan tədbiri dəyişdirilərək ev dustaqlığı qətimkan tədbiri ilə əvəz edilib.
Qeyd edək ki, Azər Zahid ötən ilin sonunda polisin Tiktok əməliyyatı zamanı həbs edilib. Məhkəmənin qərarı ilə onlar barəsində 4 aylıq həbs qətimkan tədbiri seçilib.
Ona qarşı Cinayət Məcəlləsinin 193-1.3.2-ci (mütəşəkkil dəstə tərəfindən cinayət yolu ilə əldə edilmiş xeyli miqdarda əmlakı leqallaşdırma), 244-1.2.2-ci və 244-1.2.4-cü (qumar oyunu təşkil etmə, qabaqcadan əlbir olan bir qrup şəxs tərəfindən törədildikdə) maddələri ilə ittiham irəli sürülüb.
Orxan Rasifoğlu
Şahidi olduğunuz hadisələri çəkib bizə göndərin!
Son Əlavə