Məhkəmə Azər Zahid və onun köməkçisi ilə bağlı qərar verdi

Median.Az-ın əldə etdiyi məlumata görə, bu gün Nərimanov Rayon Məhkəməsində keçirilən prosesdə hər iki təqsirləndirilən şəxsin ev dustaqlığı ilə bağlı təqdimata baxılıb.

Məhkəmənin qərarına əsasən, Azər Zahid barəsində seçilmiş həbs qətimkan tədbiri qüvvədə saxlanılıb. 

Daha sonra Rövşən Təhməzovun təqdimatına baxılıb. Qərara əsasən, o, ev dustaqlığına buraxılıb.

Qeyd edək ki, hər iki şəxs ötən ilin sonunda polisin Tiktok əməliyyatı zamanı həbs ediliblər. Məhkəmənin qərarı ilə onlar barəsində 4 aylıq həbs qətimkan tədbiri seçilib. 

Onlara qarşı Cinayət Məcəlləsinin 193-1.3.2-ci (mütəşəkkil dəstə tərəfindən cinayət yolu ilə əldə edilmiş xeyli miqdarda əmlakı leqallaşdırma), 244-1.2.2-ci və 244-1.2.4-cü (qumar oyunu təşkil etmə, qabaqcadan əlbir olan bir qrup şəxs tərəfindən törədildikdə) maddələri ilə ittiham irəli sürülüb.