Median.Az xəbər verir ki, Kəpəz RPİ əməkdaşlarının keçirdikləri əməliyyat tədbiri nəticəsində Gəncə şəhər sakini, əvvəllər məhkum olunmuş H.Əliquliyevdən 245 qram tiryək və 1 ədəd bıçaq götürülüb.
Bundan başqa, Salyan RPŞ-nin əməkdaşları tərəfindən şəhər sakini A.Əliyevə məxsus həyətyanı sahədən kultivasiya yolu ilə yetişdirilmiş 6 ədəd çənətə kolu və 475 qram marixuana, şəhər sakini E.Əliyevə məxsus həyətyanı sahədən isə 6 ədəd çənətə kolu aşkar edilib.
Neftçala RPŞ əməkdaşlarının keçirdikləri əməliyyat tədbiri nəticəsində Xoltəzəkənd kəndi ərazisində, kənd sakini E.Babayevə məxsus torpaq sahəsində 26 ədəd çətənə kolu, yardımçı təsərrüfatından 80 qram marixuana aşkar edilib.
Saatlı RPŞ-nin əməkdaşları tərəfindən Qara Nuru kənd sakini T.Salayevin yaşadığı evin zirzəmisində 430 qrama yaxın marixuana aşkar edilib.
Göyçay RPŞ-nin əməkdaşları tərəfindən Bığır kənd sakini R.Şəfiyevə məxsus həyətyanı sahədən 4 ədəd, Ağcabədi RPŞ-nin əməkdaşları tərəfindən Xocavənd kənd sakini S.Məmmədova məxsus həyətyanı sahədən 8 ədəd çətənə kolu aşkar edilib.
Faktlarla bağlı araşdırmalar aparılır.
Şahidi olduğunuz hadisələri çəkib bizə göndərin!
Son Əlavə