Bakı Ağır Cinayətlər Məhkəməsində Bakı şəhər sakini İlkin Abdullayevin (1991-ci il təv.) CM-nin 120.2.4-cü (xüsusi amansızlıqla qəsdən adam öldürmə) maddəsi ilə təqsirləndirilməsinə dair cinayət işi üzrə məhkəmə prosesi başa çatıb.
Median.Az xəbər verir ki, ötən il oktyabrın 23-ü saat 19 radələrində Xətai rayonu, İ.İsmayılov küçəsində, Bakı şəhər sakini, 24 yaşlı Səriyyə Abdullayevanın yaşadığı mənzildə qətlə yetirilməsi barədə daxil olmuş məlumatla əlaqədar dərhal polis və prokurorluq orqanlarının əməkdaşları tərəfindən müvafiq tədbirlər həyata keçirilib.
İstintaq və əməliyyat tədbirləri ilə qadının yaşadığı evdə keçmiş əri, Hövsan qəsəbəsində yaşayan, əvvəllər məhkum olunmuş İlkin Abdullayev tərəfindən çoxsaylı bıçaq zərbələri ilə qəsdən öldürülməsi müəyyən edilib. Təxirəsalınmaz tədbirlərlə İ.Abdullayev saxlanılıb.
Cütlüyün 2 azyaşlı övladı olub.
Məhkəmənin hökmü ilə təqsirləndirilən şəxs 18 il müddətinə azadlıqdan məhrumetmə cəzasına məhkum olunub.
Şahidi olduğunuz hadisələri çəkib bizə göndərin!
Son Əlavə