Median.Az xəbər verir ki, Yasamal RPİ 29-cu polis şöbəsinə müraciət edən vətəndaş, dərsdən sonra küçədə oğluna naməlum şəxsin yaxınlaşaraq mobil telefonunu danışmaq adı ilə alıb, qaytarmadığını bildirib.
Təxirəsalınmaz əməliyyat-axtarış tədbiriləri nəticəsində paytaxt sakini, əvvəllər məhkum olunmuş Təbriz Zeynalov saxlanılıb. Araşdırma zamanı,
onun rayon ərazisində daha 3 məktəblinin telefonunu soyğunçuluq yolu ilə ələ keçirməsi məlum olub.
Yasamal RPİ İstintaq şöbəsində CM-nin 180.2.2-ci (soyğunçuluq, təkrar törədildikdə) maddəsi ilə cinayət işi başlanılıb. Onun əməllərindən zərərçəkən başqa vətəndaşlar varsa, bu barədə DİN “102” Zəng Mərkəzinə, Yasamal RPİ və ya 29-cu polis şöbəsinə müraciət edə bilərlər.
Şahidi olduğunuz hadisələri çəkib bizə göndərin!
Son Əlavə