Bakıda itən 13 yaşlı oğlan tapılıb (YENİLƏNİB)

Bakıda itən yeniyetmə tapılıb.

Bu barədə Daxili İşlər Nazirliyinin (DİN) Mətbuat Xidmətindən məlumat verilib.

Bildirilib ki, Sabunçu RPİ-nin 15-ci PB-nin əməkdaşları tərəfindən keçirilən axtarış tədbirləri nəticəsində itkin düşmüş 13 yaşlı K.A. tapılaraq ailəsinə təhvil verilib.

* * * * *

Bakıda yeniyetmə itkin düşüb.

Lent.az xəbər verir ki, Sabunçu rayonu Kürdəxanı qəsəbəsində yaşayan 13 yaşlı Kənan Ramin oğlu Ataşov evdən çıxaraq, bir daha geri qayıtmayıb.

Faktla bağlı Sabunçu Rayon Polis İdarəsinin 15-ci Polis Bölməsində araşdırma aparılır.