Gəncədə narkotik vasitələrin qanunsuz dövriyyəsi ilə məşğul olan şəxs saxlanılıb.
Median.Az ARB TV-yə istinadən xəbər verir ki, Gəncə Şəhər Baş Polis İdarəsi əməkdaşlarının keçirdikləri əməliyyat tədbirləri nəticəsində külli miqdarda narkotik vasitə dövriyyədən çıxarılıb.
Biləsuvar rayon sakini, əvvəllər məhkum olunmuş 59 yaşlı Nurəddin Zəkiyev saxlanılıb. Həmin şəxsin üzərinə baxış keçirilən zaman 154.06 qram narkotik vasitə heroin aşkar olunaraq götürülüb.
Əli Əlizadə - Təhqiqatçı: "Biləsuvar rayonu Zəhmətabad kənd sakini Zəkiyev Nürəddin Mirövlə oğlu Gəncə şəhəri Cavadxan qəsəbəsində saxlanılaraq Kəpəz Rayon Polis Bölməsinə gətirilib. Kəpəz Rayon Polis Bölməsində Nürəddin Zəkiyevin üzərinə baxış keçirilən zaman onun əynində olan qara rəngli dəri gödəkçənin sağ yan cibindən bir ədəd sarı yapışdırıcı lentlə bağlanılmış bükülü halda olan narkotik vasitə heroin aşkarlanıb".
İlkin dindirilmə zamanı Nurəddin Zəkiyev narkotik maddəni paytaxtdan taparaq, yaşadığı Biləsuvar rayonuna apardığını, oradan isə Gəncəyə satmaq üçün gətirdiyini deyib.
Nürəddin Zəkiyev - Saxlanılan şəxs: "Gəldim Biləsuvara oradan heç evə dəymədim. Oradanda düz Gəncəyə gəldim ki, adam var ona verəm, 5 min manat pul alım. Ehtiyacım var idi. Oda alınmadı. Polis əməkdaşları tərəfindən tutuldum. Əməlimə görə çox peşmanam".
Zəkiyevin barəsində Cinayət Məcəlləsinin müvafiq maddələri ilə cinayət işi başlanılıb.
İstintaq davam edir.
Şahidi olduğunuz hadisələri çəkib bizə göndərin!
Son Əlavə