QHT rəhbərinin apellyasiya şikayəti təmin edilməyib

Bakı Apellyasiya Məhkəməsində QHT rəhbəri Ramin Hacılının barəsində seçilmiş həbs müddətinin uzadılması ilə bağlı məhkəmə qərarından verdiyi apellyasiya şikayətinə baxılıb.

Median.Az xəbər verir ki, R.Hacılının apellyasiya şikayəti təmin edilməyib, qərar qüvvədə qalıb. Xarırladaq ki, ötən həftə Nərimanov rayon Məhkəməsinin qərarı ilə təqsirləndirilən şəxsin həbs müddəti 2 ay 15 gün müddətinə uzadılıb.

Qeyd edək ki, R.Hacılının barəsində Dövlət Sərhəd Xidmətinin (DSX) İstintaq İdarəsində CM-nin 29, 318.1-ci (Azərbaycan dövlət sərhədini qanunsuz keçməyə cəhd) maddəsi ilə cinayət işi başlanılıb. Hazırda isə istintaq orqanı ona qarşı əlavə CM-nin 178.2.2-ci (dələduzluq, təkrar törədildikdə) və 178.2.4-cü (dələduzluq, xeyli miqdarda ziyan vurmaqla törədildikdə) maddələrini irəli sürüb. Təqsirləndirilən şəxs ittihamları qəbul etmədiyini bildirib.

DSX-nın yaydığı məlumata əsasən, iyunun 4-də DSX-nin sərhəd qoşunlarının Zaqa­tala sərhəd dəstəsinin hərbi qulluqçuları tərəfindən Ba­la­kən rayo­nu­nun Mazımqara kəndinin yaxınlığın­dakı sərhəd zastava­sı­nın xid­mə­ti ərazisində dövlət sərhə­dinin po­zulmasının qarşısı alınıb. Belə ki, həmin tarixdə sərhəd naryadı tərəfindən dövlət sərhədində Azər­baycan Res­pub­likasının vətəndaşları - 1983-cü il tə­vəllüdlü Hacılı Ramin və 1988-ci il təvəllüdlü Qa­sı­mov Fəx­rəddin saxlanılıb.

İlkin araşdırma zamanı Ramin Hacılı ölkədən çıxışına qadağa qoyul­ması səbəbindən dövlət sərhədindən buraxılış məntəqələrindən ölkə ərazisini tərk edə bilməməsini və sərhəd zastavasının xidməti sahə­sindən dövlət sərhədini pozmaqla qanunsuz yolla Gürcüstan ərazi­sinə keçməyə cəhd etməsini, Fəxrəddin Qasımovun isə bu əməlin həyata keçiril­mə­­­sində ona kömək et­məsini etiraf edib. R.Hacılı 250 min manat həddində borclarının olmasını, xaricə getməklə bu borcları işləyərək qay­tar­mağa çalışmasını bildirib.скачать dle 11.3

Şahidi olduğunuz hadisələri çəkib bizə göndərin!