Cəlilabadda xanım fermerin 240 kiloqram noxudunu oğurlayan fəhləyə və tanışına hökm oxunub.
Qaynarinfo-nun məlumatına görə, hadisə rayonun Qarazəncir kəndində baş verib.
Belə ki, 1998-ci il təvəllüdlü Elbrus kənddə fermer təsərrüfatı ilə məşğul olan Vəsimə Hüseynovanın evində fəhlə işləyib. O, evin həyətində "Pakistan" sortu hesab edilən kisələrdəki noxudu görüb. Maddi imkanı zəif olduğu üçün 2000-ci il təvəlüdlü Məftun adlı tanışı ilə noxudları oğurlayıb. Onlar ümumi çəkisi 240 kq, dəyəri 840 manat olan 4 kisə noxud aparıblar.
Məhkəmənin qərarı ilə hər iki şəxs Cinayət Məcəlləsinin 177.2.1 və 177.2.3-cü maddələrində nəzərdə tutulmuş cinayəti törətməkdə təqsirli bilinib. Elbrus 2 il 5 ay 26 gün, Məftun isə 2 il 2 ay 28 gün azadlığın məhdudlaşdırılması cəzasına məhkum edilib.
Şahidi olduğunuz hadisələri çəkib bizə göndərin!
Son Əlavə