Nicat Şıxəlizadə: "Əsas odur ki, medalsız qalmadım"
"Final görüşündə qələbə qazanmaq barədə düşünürdüm. Bu idmançını 2-3 dəfə məğlub etmişəm. İndi də qalib olmaq istəyirdim. Yarış da vətənimdə keçirilir. Sadəcə olaraq, cüzi səhvə görə uduzdum. Buna üzülürəm. Əsas odur ki, finala yüksəldim və medalsız qalmadım".
Median.Az report-a istinadən xəbər verir ki, bu fikirləri jurnalistlərə açıqlamasında Bakıda ümummilli lider Heydər Əliyevin xatirəsinə keçirilən Böyük Dəbilqə turnirində gümüş medal qazanan Nicat Şıxəlizadə söyləyib.
66 kq çəki dərəcəsində yarışan idmançı bildirib ki, qarşıdakı əsas hədəfi II Avropa Oyunlarında uğur qazanmaqdır. 30 yaşlı cüdoçu Belarusun paytaxtı Minskdəki yarışda ölkəni layiqincə təmsil etmək istədiyini deyib.
Şıxəlizadə komanda yoldaşlarının bu gün medal qazana bilməməsinə də toxunub: "Bu gün çıxış edən bəzi idmançılardan da medal gözləyirdik. Bunların əksəriyyəti gəncdir. Bu da böyük bir yarışdır. Özlərini sınamalı idilər. Ümid edirəm ki, qarşıdakı yarışlarda yaxşı çıxış edərlər. Turnir "Tokio-2020"yə lisenziya reytinq xalları verir. Qarşıdakı yarışlarda da xal yığıb, olimpiadada iştirak etmək istəyirəm".
скачать dle 11.3
Şahidi olduğunuz hadisələri çəkib bizə göndərin!
Ən çox oxunan
Son Əlavə
