Mojo.az Banner
22:59 Goranboyda 17 yaşlı qızın nişan mərasiminin qarşısı alındı  |     22:50 Türkmənistan kriptovalyuta hasilatını qanuniləşdirir  |     22:50 Toyda oynadığı yerdə yıxılıb öldü  |     22:43 Azərbaycan boksçusu Avropa çempionatında finala yüksəlib  |     22:35 General Cavid Abdullayevə yeni VƏZİFƏ VERİLDİ  |     22:27 Ukraynada korrupsiya qalmaqalı sülh danışıqlarını poza bilər  |     22:20 Gəncədə minik avtomobili aşıb, xəsarət alanlar var  |     22:11 Kəlbəcərdə açıq ərazidə yanğın baş verib  |     22:03 Şri-Lankada daşqınlar və torpaq sürüşmələri: 56 ölü  |     21:56 Ucarda fərdi yaşayış evi yanıb  |     21:48 Qara dənizdə Rusiyaya məxsus gəmidə partlayış olub  |     21:40 Bu ölkələrdən Azərbaycana ət idxalı dayandırıldı  |     21:33 Elton Con sürətlə görmə qabiliyyətini itirir: "Mənim üçün çətindir"  |     21:26 Alış-veriş deyil, kütlə psixologiyası: "Qara cümə"də izdihamın səbəbləri..  |     21:14 Prokurorluq orqanlarında qulluqla bağlı imtahan mərhələsinin nəticələri açıqlandı  |     21:06 "Barselona"nın futbolçusunda rotavirus aşkarlanıb  |     20:48 70 kq qızılla saxlanılan polkovnik-leytenantın məhkəmə istintaqı başladı  |     20:45 Gəncədə sərxoş şəxs xəstəxanada öldü  |     20:25 Ödənişli yolda radar və müşahidə kameraları quraşdırıldı  |     20:24 Qeyri-neft sektoruna aid ixrac mallarının siyahısında qızıl birincidir  |    
Left Banner
Right Banner

Qurban Qurbanov: “Bayer 04”ə qarşı həddən artıq dinamik çıxış etməliyik”

08.11.2023 19:40 1 350
Qurban Qurbanov: “Bayer 04”ə qarşı həddən artıq dinamik çıxış etməliyik”
“Bayer 04”ə qarşı həddən artıq dinamik çıxış etməliyik”.

Bunu “Qarabağ”ın baş məşqçisi Qurban Qurbanov Almaniyanın “Bayer 04” klubuna qarşı keçiriləcək UEFA Avropa Liqasının qrup mərhələsinin IV tur oyunu ərəfəsində mətbuat konfransında deyib.

51 yaşlı mütəxəssis güclü rəqiblə qarşılaşacaqlarını bildirib: “Çox ciddi komandaya qarşı oynayacağıq. İlk görüşdə böyükhesablı məğlubiyyətə baxmayaraq, futbolçularımız ruhdan düşməyiblər. Matça heç də pis hazırlamamışıq. Hazırda Avropanın ən dinamik komandalarından biridir. Çox yaxşı oyun fəlsəfələri və bunu düzgün icra edən futbolçuları var. Rəqiblə tam tanış olduq, futbolçulara lazım olduğu qədər izah etdik. Sabah doğma azarkeşlərimiz önündə mübariz oyun göstərmək istəyirik. Oyunçularımızın bunu bacaracaqlarına şübhə etmirəm”.

O, 8 Noyabr - Zəfər Günü ilə bağlı Azərbaycan xalqını təbrik edib: “Hər kəsin bayramını təbrik edirəm. Bunun futbolçulara təsiri istər-istəməz olur, daha yaxşı oynamağa çalışırlar. Bəzən isə belə amillər oyunçulara əks təsir göstərə bilər. Həddən artıq aqressivlik mane ola bilər. Rəqibə uyğun oyun qurmalı və “Bayer 04”ün üstün cəhətlərinin qarşısını almalıyıq”.

Q.Qurbanov Leverkuzendəki 1:5 hesablı məğlubiyyətlə müqayisədə bəzi dəyişikliklərin olacağını vurğulayıb: “Həmişə öz oyunumuzu yaxşılaşdırmağı düşünmüşük. Əvvəlcə rəqibin oyununu pozmağa, sonra öz oyunumuzu göstərməyə çalışırıq. Bəzən bu alınmır. İstənilən halda cavab görüşlərində dəyişikliklər olur. Bu dəfə də matçın gedişində dəyişikliklər olacaq. İnanıram ki, bu, faydalı olar”.

Baş məşqçi mərhələ adlamaq üçün maksimum çalışacaqlarını deyib: “Ötən mövsüm Konfrans Liqasının pley-offuna adladıq. Bəzən istədiyimiz alınmaya bilir. Amma bu o demək deyil ki, ilk oyunlarla müqayisədə sonrakı matçlara yaxşı hazırlaşmırıq. Komandanın optimal formada olub-olmadığı vaxtlar olur. Bu gün “Bayer 04”ü saymasaq, digər üç komandanın hər birinin mərhələ adlamaq şansı var. Şansımız varsa, bunu düzgün təhlil edib, daha yaxşı nəticələr qazanmağa çalışacağıq”.

Qeyd edək ki, noyabrın 9-da Tofiq Bəhramov adına Respublika stadionunda keçiriləcək “Qarabağ” - “Bayer” oyunu saat 21:45-də başlayacaq.
//reportскачать dle 11.3