Qazax rayonunda bir nəfərin xəsarət alması ilə nəticələnən yol-nəqliyyat hadisəsi baş verib.
"Report”un Qərb Mərkəzinin məlumatına görə, hərəkətdə olan minik avtomobili idarəetmədən çıxaraq maneəyə çırpılıb.
Qəza nəticəsində Qazax rayon Kəmərli kənd sakini, 1994-cü il təvəllüdlü Elmir Qaragözov xəsarət alıb.
O, xəstəxanaya aparılıb. Faktla bağlı araşdırma aparılır.