Uşaqlar üçün nəzərdə tutulan qalmaqallı kitabla bağlı AÇIQLAMA - FOTO » Median.Az - Bütün xəbərlər bir ünvanda
22:52 Tramp: ABŞ neftin dünya bazarında ucuzlaşmasına çalışır  |     22:47 İran nüvə proqramı ilə bağlı ABŞ-la danışıqları bərpa etmək istəyir  |     22:47 Komitədən hamilə olan 14 yaşlı qızla bağlı AÇIQLAMA  |     22:35 Dünyada şöhrət qazanmış falçı saxlanıldı  |     22:30 Cavid Rzayev Rusiya vətəndaşlığından çıxarıldı  |     22:27 FHN Laçındakı yanğınla bağlı məlumat yaydı  |     22:12 Sakinlərin NƏZƏRİNƏ: Bəzi ərazilərdə qaz olmayacaq  |     22:04 Laçında meşə yanğını baş verib  |     21:47 İlqar İsmayılov azadlığa buraxıldı  |     21:35 İsrail Suriyanın Katana şəhərinə aviazərbə endirib  |     21:18 Rusiyalı MMA döyüşçüsünə atəş açanlar saxlanılıblar  |     21:06 Monqolustandakı "Böyük Dəbilqə" turnirinə qatılacaq Azərbaycan cüdoçuları müəyyənləşib  |     20:55 Mosul hava limanı 11 ildən sonra fəaliyyətini bərpa edir  |     20:47 Portuqaliyalı futbolçu faciəvi şəkildə dünyasını dəyişib  |     20:41 Azərbaycanda SSRİ dövründə ayrılmış torpaq sahələrinin qeydiyyatı asanlaşdırılıb  |     20:33 Ədliyyə orqanlarının xüsusi xəzinə hesabı yaradılır  |     20:28 Son altı ayda Naxçıvanda 172 nəfər qidadan zəhərlənib  |     20:21 Azərbaycanla Vyetnam arasında beş sənəd imzalanıb  |     20:16 Sabah çimərliklərdə suyun temperaturu 28 dərəcə isti olacaq  |     20:10 "Real" müdafiəçisi ilə yolları ayırıb  |    

Uşaqlar üçün nəzərdə tutulan qalmaqallı kitabla bağlı AÇIQLAMA - FOTO

Ailə, Qadın və Uşaq Problemləri üzrə Dövlət Komitəsi bu gün KİV-də və sosial şəbəkələrdə uşaq ədəbiyyatının spesifik xüsusiyyətlərinə və ona olan tələblərə uyğun gəlməyən, lakin uşaq auditoriyası üçün nəzərdə tutulduğu qeyd edilən “Qaz ilə göyərçinin əhvalatı” adlı kitabla bağlı məlumat yayıb.

Qurumdan verilən məlumatda bildirilir ki, Azərbaycan Yazıçılar Birliyinin üzvü olduğu iddia edilən şairə Aygün Bal müəllifi olduğu kitabında uşaqların yaş xüsusiyyətlərini, həmçinin seçdiyi mövzunun didaktik və tərbiyəvi əhəmiyyətini nəzərə almayıb:

"Şübhəsiz ki, bədii ədəbiyyatın tərkib hissəsi olan uşaq ədəbiyyatı birbaşa təlim-tərbiyə və yeni nəslin ədəbi zövqünün formalaşması vasitələrindən biridir. Məhz bu səbəbdən hər bir ədəbi nümunə gələcəyimiz olan övladlarımızın formalaşması işinə öz müsbət təsirini göstərməklə yanaşı, həm də uşaq psixologiyasına və marağına müvafiq məzmunda və üslubda yazılmalıdır. Adıçəkilən çap məhsulunda istifadə olunan ifadələrin azyaşlı uşaqlara göstərə biləcəyi mənfi təsirləri nəzərə alaraq vəsaitin istifadəsinin Azərbaycan Respublikasının qanunvericiliyinin tələblərinə uyğun gəlmədiyini qeyd etmək lazımdır.

Belə ki, ailə institutunu nüfuzdan salan infornasiyalar uşaqlar arasında dövriyyəsi qadağan olunan informasiyalar sırasına aid edilib. "Uşaqların zərərli informasiyadan qorunması haqqında" Azərbaycan Respublikası Qanununun 4-cü maddəsinə əsasən həmin informasiya məhsullarının uşaqlar arasında yayılması qadağandır. Həmçinin, bu qanunun tələblərinə zidd olaraq sözügedən "kitab" ekspert rəyi olmadan çap edilib.

Məlumat üçün bildiririk ki, İnzibati Xətalar Məcəlləsinin 388-2.0.2-ci maddəsinə əsasən informasiya məhsulunun “Uşaqların zərərli informasiyadan qorunması haqqında” Azərbaycan Respublikasının Qanununda nəzərdə tutulmuş qaydada yaşa görə təsnifatlaşdırılmasını təmin etmədən, o cümlədən həmin Qanunla müəyyən edilmiş hallar istisna olmaqla informasiya məhsulunu müvafiq yaş kateqoriyasına uyğun işarələmədən ölkə ərazisində yayılmasına görə inzibati məsuliyyət nəzərdə tutulub.

Nazirlər Kabinetinin 29 iyul 2020-ci il tarixli 267 nömrəli Qərarı ilə təsdiq edilmiş “İnformasiya məhsulunun yaş kateqoriyalarına aid edilməsi Qaydaları”na əsasən informasiya məhsullarının ekspert rəyi olmadan yayılması inzibati məsuliyyətə səbəb olur.

Ailə, Qadın və Uşaq Problemləri üzrə Dövlət Komitəsi olaraq uşaqların istifadəsi üçün bu kimi informasiya məhsullarının yayılmasını məqsədəuyğun olmadığını vurğulamaqla yanaşı, bu barədə məlumatların yayılmasına görə qanunvericilikdə nəzərdə tutulmuş qaydada müvafiq tədbirlərin görüləcəyini diqqətə çatdırırıq".




скачать dle 11.3




Şahidi olduğunuz hadisələri çəkib bizə göndərin!




            2 974 12.08.20 12:15