Akın Akınözü yeni serial üçün imicini dəyişdi

Türkiyəli aktyor Akın Akınözü yeni serial layihəsi üçün görünüşündə ciddi dəyişiklik edib.

Sfera.az xəbər verir ki, “Hercai” serialında canlandırdığı Miran Aslanbey obrazı ilə geniş pərəstişkar auditoriyası qazanan aktyor yaxın vaxtlarda “Eşq və Taxt” serialının çəkilişlərinə başlayacaq.

Məlumata görə, Akın Akınözü yeni layihədə Sultan Əlaəddin Keykubat obrazını canlandıracaq. Aktyor bu rol üçün uzun müddətdir xüsusi hazırlıq keçir və obrazın tarixi dövrünü, eləcə də hökmdar xarakterini əks etdirmək məqsədilə imicini tamamilə yeniləyib.


Aktyorun yeni görünüşü sosial şəbəkələrdə də geniş müzakirələrə səbəb olub. Paylaşılan fotolar qısa müddətdə minlərlə bəyənmə və şərh toplayıb. Pərəstişkarları onun yeni obrazını bəyəndiklərini ifadə edərək serialın yayımlanmasını səbirsizliklə gözlədiklərini bildiriblər.