Facebook elektron poçtun şifrəsini tələb etdi - "YOLVERİLMƏZDİR"

Facebook yeni istifadəçi hesablarının qeydiyyatı zamanı insanlardan onların elektron poçt ünvanlarının şifrələrini tələb etməyə başlayıb.

Median.Az technote-a istinadla xəbər verir ki, buna ilk olaraq e-sushi ləqəbli kibertəhlükəsizlik mütəxəssisi fikir verib.

"Facebook, istifadəçi hesabının təsdiqi və ya başqa niyyətlər üçün şəxsi elektron poçt ünvanının şifrəsini tələb edir. Bu, informasiya təhlükəsizliyi baxımından çox pis ideyadır, daha doğrusu yolverilməzdir. Bu üsulla siz, bilməli olmadığınız şifrələri yığırsınız" - deyə mütəxəssis qeyd edib.

Facebook e-sushi ləqəbli kibertəhlükəsizlik mütəxəssisinin elektron poçt ünvanını təsdiqləmək üçün həmin elektron poçt ünvanının şifrəsini tələb edib. Baxmayaraq ki, sosial şəbəkə ona "Bunun necə çalışdığını yoxlayın" özəlliyini təqdim etsə də həmin özəllik çalışmayıb.

Daily Beast saytına şərhində Facebook təmsilçisi etiraf edib ki, istifadəçilərin elektron poçt ünvanlarının təsdiqi üçün onlardan elektron poçt ünvanlarının şifrələrini tələb etmək həqiqətən də yaxşı ideya olmayıb. Sosial şəbəkə bu funksiyanın aradan qaldırılacağına söz verib.

Bundan əlavə olaraq Facebook bildirib ki, o, yığılmış şifrələri özündə saxlamayıb və bununla yanaşı istifadəçilərə elektron poçt ünvanlarının təsdiqi üçün digər üsulları da təqdim edib. Məlumata əsasən, elektron poçt ünvanının şifrəsinin tələb olunması problemi ilə nə qədər insanın qarşılaşdığını söyləmək çətindir. Güman olunur ki, sosial şəbəkə yalnız nadir elektron poçt servislərindən istifadə edən insanlardan elektron poçt şifrəsini tələb edib.скачать dle 11.3

Şahidi olduğunuz hadisələri çəkib bizə göndərin!