Ukraynaya Donetsk, Luqansk, Zaporojye istiqamətlərindən və Rusiya ərazisindən həlak olmuş 502 hərbçinin nəşi qaytarılıb.
Qaynarinfo xəbər verir ki, bu barədə hərbi əsirlərlə iş üzrə Koordinasiya Qərargahının məlumatında deyilir.
"Repatriasiya tədbirləri nəticəsində 502 həlak olmuş müdafiəçinin nəşi Ukrayna hökumətinin nəzarətində olan ərazilərə qaytarılıb".
Qaytarılmış müdafiəçilər arasında:
- Donetsk istiqamətindən: 397 nəfər,
- Luqansk istiqamətindən: 24 nəfər,
- Zaporojye istiqamətindən: 64 nəfər,
- Rusiya ərazisindəki morqlardan: 17 nəfər.
Bu repatriasiya tədbirləri Hərbi əsirlərlə iş üzrə Koordinasiya Qərargahı, Ukrayna Silahlı Qüvvələrinin Baş Qərargahı, SBU-nun birgə mərkəzi, Daxili İşlər Nazirliyi, Ukrayna Ali Radasının İnsan Hüquqları üzrə Müvəkkil Ofisi, fövqəladə hallar idarəsi və digər təhlükəsizlik və müdafiə strukturlarının əməkdaşlığı sayəsində həyata keçirilib.
Bu təşəbbüs həlak olmuş qəhrəmanların ailələrinə dəstək olmaq və onların xatirəsini əziz tutmaq məqsədi daşıyır.
Şahidi olduğunuz hadisələri çəkib bizə göndərin!
Son Əlavə