Nigeriyada sülh missiyasına hücum: 16 hərbçi öldürüldü

Nigeriyanın cənubunda iki icma arasında qarşıdurmalara son qoymaq məqsədi daşıyan missiya zamanı dördü zabit olmaqla, 16 hərbçi həlak olub.

Bu barədə Nigeriya Silahlı Qüvvələrinin nümayəndəsi briqada generalı Tukura Qusau məlumat verib.

“Delta əyalətinin Bomadi bölgəsində 181-ci Hava Desant Batalyonunun komandiri, iki mayoru, bir kapitanı və 12 əsgəri öldürülüb. Onlar sülhməramlı missiyanın tərkibində idilər”, - deyə o bildirib.

Qusau qeyd edib ki, hərbçilər mühasirəyə alınaraq öldürülüblər.

Hadisədən sonra bir neçə nəfər həbs edilib. Yerli hakimiyyət orqanları və Müdafiə Nazirliyi insidentlə bağlı araşdırma aparır.

Mənbə: TASSскачать dle 11.3

Şahidi olduğunuz hadisələri çəkib bizə göndərin!