Karib ölkəsi Saint Vincent və Grenadin adasının baş naziri Ralf Gonsalves paytaxt Kingstaunda keçirilən etirazlar zamanı yaralanıb.
Bu barədə “Loop News” xəbər verib.
Bildirilir ki, tibbi islahatlara etiraz edənlərdən biri parlament iclasından qayıdan hökumət başçısına sərt cisim atıb və bu da kəllə-beyin travmasına səbəb olub.
Həkimlərin tövsiyəsi ilə Gonsalves müalicə üçün qonşu Barbadosa göndərilib.
Hakimiyyət orqanları siyasətçiyə hücumu onun həyatına qəsd kimi qiymətləndiriblər.
Qeyd edək ki, aksiyaçılar dövlət işçilərinin COVID-19-a qarşı məcburi peyvənd edilməsi də daxil olmaqla, sağlamlıq qanununa edilən bir sıra dəyişikliklərə etiraz edirlər.
Şahidi olduğunuz hadisələri çəkib bizə göndərin!
Son Əlavə