Bakı-Qazax yolunda aşan turist avtobusunun sərnişinləri orta məktəb şagirdləri və onların valideynləri olub.
Median.Az-ın APA-ya istinadən verdiyi məlumata görə, Gürcüstanın Qori şəhərindən olan orta məktəb şagirdləri və onların valideynləri Bakıya ekskursiyaya yollanıblar.
Avtobusda olan 20 uşaq və 10 valideyn müxtəlif dərəcəli xəsarətlər alıb. 
* * * * *
Bakı-Qazax yolunda sərnişin avtobusu “KamAZ” markalı yük maşını və “Mercedes” markalı avtomobillə toqquşması nəticəsində 18 nəfər xəsarət alıb.
Bunu Səhiyyə Nazirliyinin mətbuat xidmətinin əməkdaşı Səfayə Əhmədova bildirib.
Onun sözlərinə görə, yaralılar müayinə üçün xəstəxanalara yerləşdirilir:
“Hadisə yerinə dərhal Hacıqabul rayon Təcili Təxirəsalınmaz Tibbi Yardım Stansiyasının və Şirvan şəhəri Təcili Təxirəsalınmaz Tibbi Yardım Stansiyasının əməkdaşları cəlb ediliblər. Zərərçəkmişlər Hacıqabul Rayon Mərkəzi Xəstəxanasına və Şirvan şəhəri Mərkəzi Xəstəxanasına yerləşdirilib”.
Səfayə Əhmədova qeyd edib ki, yaralıların həyatı üçün təhlükəsi yoxdur
* * * * *
Bakı-Qazax yolunda sərnişin avtobusu “KamAZ” markalı yük maşını və “Mercedes” markalı avtomobillə toqquşub.
Median.Az-ın APA-ya istinadən xəbərinə görə, avtobusda Tbilisidən Bakıya gələn 54 turist olub. Onlardan 20-yə yaxını xəsarət alıb.
Yük maşını və minik avtomobili ilə toqquşan avtobus yoldan çıxaraq kənardakı yaşıllıq zonasına girib.
* * * * * *
Bakı-Qazax yolunda sərnişin avtobusu aşıb.
Median.Az-ın APA-ya istinadən xəbərinə görə, hadisə Hacıqabul rayonun Atbulaq qəsəbəsi ərazisində qeydə alınıb.
Çoxyerli avtobusun “KamAZ” markalı yük maşını ilə toqquşaraq aşdığı bildirilir.
İlkin məlumata görə, çoxlu sayda xəsarət alanlar var.
Şahidi olduğunuz hadisələri çəkib bizə göndərin!
Son Əlavə