Mojo.az — elanlar
RU
RU
Son Xəbərlər
23:02 Bu 3 bürc bazar günü XOŞ XƏBƏR ALACAQ | 22:56 Gələn il Azərbaycanda 950 min tona yaxın kartof istehsalı proqnozlaşdırılır | 22:51 371 roman yazan qadın süni intellektə görə təhdid və təhqirlə üzləşdi | 22:44 Zaxarova NATO-nu ittiham etdi | 22:39 "Avroviziya Asiya"nın ilk qalibi oldu | 22:31 Avtomobili özündən xəbərsiz satışa çıxarıldı - VİDEO | 22:26 "Meta" 805 milyon avro cərimələnib | 22:17 Azərbaycanda bəzi binalara istilik verilməyə bilər: Səbəb - Video | 22:08 Lənkəranda ağlasığmaz hadisə: Hotelin icarədarı öz işçilərini qarət etdi | 22:00 Dağıstanda məşhur idmançı güllələnərək öldürüldü | 21:56 Ramiz Mehdiyevin qızının vəkili həbs edildi | 21:49 Lənkəranda ağlasığmaz hadisə: Hotelin icarədarı öz işçilərini qarət etdi | 21:33 Büdcədə tarixi dəyişiklik: Neftdənkənar gəlirlər 60 faizi ötəcək - Foto | 21:26 İlon Maskın "Starship" raketi sınaq zamanı partladı - Video | 20:49 Kütləvi yol-nəqliyyat hadisəsində ölənlərin sayı 13-ə çatıb | 20:44 Məktəblərdə sərt qaydalar tətbiq oluna bilər: Cərimə, qırmızı kart və uzaqlaşdırılma | 20:36 Bakıda yataqxanadan tələbə qızın meyiti tapıldı | 20:30 Leyla Əliyeva COP31-ə dair videoçarx paylaşıb - Video | 20:24 Tələbələri şantaj edərək pul istəyən şəxs barəsində qərar verildi | 20:10 "Nvidia" şirkətinin rəhbərliyinə mümkün namizədin adı açıqlandı |
Mojo.az Avto
Mojo.az Avto

Həbsdə olan vəkil Sümbülə Əliyeva hakimə etiraz edib

13.05.2024 20:21 1 401
Həbsdə olan vəkil Sümbülə Əliyeva hakimə etiraz edib
Bakıdakı 1 saylı Hüquq məsləhətxanasının sabiq müdiri, həbsdə olan vəkil Sümbülə Əliyevanın barəsində olan cinayət işi üzrə məhkəmə prosesi keçirilib.

Bu gün Bakı Ağır Cinayətlər Məhkəməsində hakim Mahmud Ağalarovun sədrliyi ilə keçirilən prosesdə şahidlər ifadə verib.

Şahid Pərvanə Əliyeva ifadəsi zamanı onu işə Sümbülə Əliyevanın götürdüyün deyib: "15 il məktəbdə laborant işləmişəm. Atam Sümbülə xanımdan məni işə götürməsini xahiş etdi. Mənə verilən pulları kassaya yığırdım. Sonra da müqavilə jurnalına qeyd edirdik. Mən hər dəfə məxaric sənədlərini Sümbülə xanımdan istəyirdim. Hər dəfə də sənədləri vermirdi".

Sümbülə Əliyeva isə ona "Mənim işlərim olurdu, məsləhətxanada olurdum ki" deyə cavab verib. Hakim Mahmud Ağalarov Sümbülə Əliyevanın şahidə suallarına iradını bildirib.

Sümbülə Əliyeva hakimə müraciətlə "İşə baxmağınıza etiraz edirəm, belə işə baxmırlar", deyib.

Daha sonra iş üzrə digər şahidlər Taliyə Gəncəliyeva və Tofiq Aslanov ifadə verməyə dəvət edilib. Hakim hər iki şəxsin məhkəmədə bir dəfə dindirildiyini və həm istintaqda, həm də məhkəmədə verdikləri ifadələri təsdiq etdiklərini deyib.

Proses mayın 20-də davam etdiriləcək.
//apa

İttihama görə, Sümbülə Əliyeva hüquq məsləhətxanasında vəkillərin gəlirlərindən sosial sığortaları və pensiya fonduna ödənməli olan məbləği dövlət büdcəsinə köçürməyib və mənimsəyib. O, Cinayət Məcəlləsinin 179.3.2 və 213.1-ci maddəsi ilə ittiham edilir. Zərərçəkmiş qismində Dövlət Sosial Müdafiə Fondu, İqtisadiyyat Nazirliyi yanında Dövlət Vergi Xidməti, Vəkillər Kollegiyasının Rəyasət Heyəti tanınıb.

Vəkillər Kollegiyası Rəyasət Heyətinin qərarı ilə Sümbülə Əliyevanın vəkillik fəaliyyəti barəsində elan olunacaq hökm qanuni qüvvəyə minənədək dayandırılıb.

Sümbülə Əliyeva bir çox tanınmış şəxsin vəkili olub. Onun cinayət işi üzrə məhkəmədən yayınması əsas gətirilərək ötən ay barəsində həbs qətimkan tədbiri seçilib.

Son xəbərlər