Qlobal istiləşmə Yer üzündə ölümcül infeksiyalar yaradıb - İnsanlıq təhlükədə

Alimlər Yer üzündə 3 müxtəlif yerdə elmə məlum olmayan, alimlərin ilk dəfə təyin etdiyi sirli göbələk növü aşkarlayıblar.

Median.Az medicina.az-a istinadən bildirir ki, hələ 3 il əvvəl dünya səhiyyə mütəxəssisləri yüzlərlə klinikanı xəbərdarlıq etmişdilər ki, yer üzündə yeni, serətlə yayılan və 90% dərmanlara davamlı olan göbələk infeksiyası aşkarlanıb.

Candida ailəsinə mənsub yeni göbələyə yoluxma 30 ölkədə qeydə alınıb.
Alimlər bildirir ki, əslində infeksiya daha geniş yayılıb, sadəcə onu xüsusi laborator metodlar olmadan təyin etmək mümkün deyil. İnfeksiya xəstəxana, klinikalar, xəstələr və həkimlər arasında ötürülməklə yayılır. Nəticədə ürək, damarlar, baş beyin yoluxur.

Bu infeksiyada ölüm faizi yüksəkdir, hər 3-4 xəstədən biri ölür.

Eyni illərdə həm Afrika, həm Cənubi Amerika, həm də Hindistanda kütləvi yayılmasının səbəbi kimi qlobal istiləşmə göstərilir. ABŞ alimləri bildirir ki, hələ bu başlanğıcdır. Qlobal iqlim dəyişikliyi insanları hələ çox yeni təhlükəli infeksiyalarla üz-üzə qoyacaq və tibb buna qarşı hazırlıqlı deyil.