Sosial şəbəkələrdə Dövlət Yol Polisi (DYP) avtomobillərinin maketini əks etdirən görüntülər yayılıb.
Median.Az qafqazinfo-ya istinadən xəbər verir ki, həmin maketlər müzakirələrə səbəb olub. Bildirilir ki, sürücülərin yol hərəkət qaydalarına əməl etməsi və sürət həddini aşmamaları üçün yol kənarlarında radar əvəzi həmin maketlərdən istifadə olunacaq.
Qeyd edək ki, artıq dünyanın bir sıra ölkələrində yollarda bu cür maketlərdən istifadə olunur.
Bakı şəhər BPİ DYPİ-nin bölmə rəisi, polis polkovniki Vaqif Əsədov məsələ ilə bağlı saytımıza açıqlamasında Avropa Gənclər Yay Olimpiya Festivalının bağlanış mərasimi ilə əlaqədar gərgin iş qrafikində çalışdığını və suallarımıza sabah cavab verəcəyini deyib.
Şahidi olduğunuz hadisələri çəkib bizə göndərin!
Son Əlavə